வியன்னா ஓபன் டென்னிஸ் தொடரின் நடப்பாண்டு சீசன் ஆஸ்திரியாவின் தலைநகர் வியன்னாவில் விறுவிறுப்பாக நடைபெற்று வருகிறது.
இதில் நேற்று நடைபெற்ற அரையிறுதிச் சுற்று ஆட்டத்தில் உலகின் நான்காம் நிலை வீரரான ரஷ்யாவின் டேனியல் மெத்வதேவ், பல்கேரியாவின் கிரிகோர் டிமிட்ரோவ்வை எதிர்கொண்டார்.
இப்போட்டியின் ஆரம்பம் முதலே அபார ஆட்டத்தை வெளிப்படுத்திய மெத்வதேவ் முதல் செட்டை 6-4 என்ற கணகிலும், இரண்டாவது செட்டை 6-2 என்ற கணக்கிலும் கைப்பற்றி டிமிட்ரோவ்விற்கு அதிர்ச்சியளித்தார்.
இதன்மூலம் டேனியல் மெத்வதேவ் 6-4, 6-2 என்ற நேர் செட் கணக்கில் கிரிகோர் டிமிட்ரோவ்வை வீழ்த்தி இறுதிப்போட்டிக்கு முன்னேறி அசத்தியுள்ளார்.
அதேபோல் நேற்று நடைபெற்ற மற்றொரு அரையிறுதி ஆட்டத்தில் கனடாவின் நட்சத்திர வீரர் டெனிஸ் ஷபோவலோவ், குரோசியாவின் பொர்னோ கொரிக்கை எதிர்கொண்டார்.
மிகவும் பரபரப்பு நிறைந்த இப்போட்டியின் முதல் செட்டை இருவீரர்களும் விட்டுக்கொடுக்காமல் விளையாடினர். ஆனால் இறுதியில் ஷபோவலோவ் 7-6 என்ற கணக்கில் முதல் செட்டை கைப்பற்றி அசத்தினார்.
அதன்பின் நடைபெற்ற இரண்டாவது செட் ஆட்டத்திலும், அபாரமாக செயல்பட்ட ஷபோவலோவ், எதிரணி வீரரை புள்ளிகளை எடுக்க விடாமல் 6-0 என்ற கணக்கில் வென்று அசத்தினார்.
இதன்மூலம் டெனிஸ் ஷபோவலோஃப் 7-6, 6-0 என்ற நேர் செட் கணக்கில் பொர்னோ கொரிக்கை வீழ்த்தி இறுதிப்போட்டிக்கு முன்னேறி அசத்தினார்.
இதன்மூலம் டெனிஸ் ஷபோவலோஃப் வியன்னா ஓபன் டென்னிஸ் தொடரின் இறுதிப்போட்டியில் டேனியல் மெத்வதேவ்வை எதிர்கொள்ளவுள்ளார்.