Michael vaughan
பாகிஸ்தான் தோல்விக்கு ரோஹித் சர்மா தான காரணம் - மைக்கேல் வாகன் கலகலப்பு!
ஐசிசி உலகக் கோப்பை 2023 கிரிக்கெட் தொடரில் நேற்று பெங்களூருவில் நடைபெற்ற லீக் போட்டியில் பாகிஸ்தானை 62 ரன்கள் வித்தியாசத்தில் தோற்கடித்த ஆஸ்திரேலியா தங்களுடைய 2ஆவது வெற்றியை பதிவு செய்தது. மறுபுறம் இந்தியாவிடம் சந்தித்த தோல்வியிலிருந்து மீளாத பாகிஸ்தான் முக்கிய கேட்ச்களை கோட்டை விட்டு அடுத்தடுத்த தோல்விகளை பதிவு செய்து மீண்டும் விமர்சனங்களை சந்தித்து வருகிறது.
முன்னதாக அஹ்மதாபாத் நகரில் அக்டோபர் 14ஆம் தேதி நடைபெற்ற போட்டியில் 154/2 என்ற நல்ல துவக்கத்தை பெற்ற பாகிஸ்தான் அதன் பின் இந்தியாவின் நெருப்பான பந்து வீச்சில் சீட்டுக்கட்டு போல சரிந்து 191 ரன்களுக்கு படுதோல்வியை சந்தித்தது. ஆனால் அந்த தோல்விக்கு பாகிஸ்தான் அணியின் இயக்குனர் மிக்கி ஆர்தர் சொன்ன காரணம் இப்போது வரை சர்ச்சையாகவும் சிரிப்பை ஏற்படுத்துவதாகவும் பார்க்கப்பட்டு வருகிறது.