புரோ கபடி லீக் தொடரின் 9ஆவது சீசன் விறுவிறுப்பாக நடந்துவருகிறது. ஜெய்ப்பூர் பிங்க் பாந்தர்ஸ் மற்றும் புனேரி பல்தான் அணிகள் முதல் 2 அணிகளாக பிளே ஆஃபிற்கு முன்னேறிவிட்டன.
இந்நிலையில் இன்று நடைபெற்ற லீக் ஆட்டத்தில் புனேரி பல்தான் - பாட்னா பைரட்ஸ் அணிகள் பலப்பரீட்சை நடத்தின. இதில் ஏற்கெனவே புனேரி பல்தான் பிளே ஆஃப் சுற்றுக்கு முன்னேறிய நிலையில் இப்போட்டியின் மீதான எதிர்பார்ப்பும் அதிகரித்திருந்தது.
அதன்படி இப்போட்டியின் தொடக்கம் முதலே அபாரமான ஆட்டத்தை வெளிப்படுத்திய புனேரி பல்தான் அணி அடுத்தடுத்து புள்ளிகளைக் கைப்பற்றி முன்னிலையைப் பெற்றது. இப்போட்டியில் தொடர்ந்து போராடிய பாட்னா பைரட்ஸ் அணியால் எதிரணியின் டிஃபென்ஸை தாக்குப்பிடிக்க முடியாமல் திணறியது.
இதனால் ஆட்டநேர முடிவில் புனேரி பல்தான் அணி 44 - 30 என்ற புள்ளிக்கணக்கில் பாட்னா பைரட்ஸை வீழ்த்தி அபார வெற்றியைப் பெற்றது. புனேரி பல்தான் அணி தரப்பில் ஆகாஷ் ஷிண்டே 13 புள்ளிகளைக் கைப்பற்றி அணியின் வெற்றிக்கு உதவினார்.
இந்த வெற்றியின் மூதல் புனேரி பல்தான் அணி 79 புள்ளிகளைப் பெற்று புள்ளிப்பட்டியளின் முதலிடத்தை தக்கவைத்துக்கொண்டது. அதேசமயம் பாட்னா பைரட்ஸ் அணி இந்த சீசனில் 10ஆவது தோல்வியைத் தழுவி புள்ளிப்பட்டியளின் 11ஆவது இடத்தையே பிடித்துள்ளது.