உலகக் கோப்பைத் தொடர் ஆரம்பிப்பதற்கு முன்பாக முதல் சுற்றோடு தோற்று இங்கிலாந்து அணி வெளியேறிவிடும் என்று யாராவது கூறி இருந்தால், உலகத்தில் எந்த கிரிக்கெட் ரசிகரும் அதை நம்பி இருக்க மாட்டார். காரணம் அதிகப்படியான ஆல்ரவுண்டர்களைக் கொண்டு, நீளமான பேட்டிங் வரிசையுடன், முதல் பந்தில் இருந்து கடைசிப் பந்து வரை அதிரடியாக விளையாடும் போக்கை கொண்டிருந்த இங்கிலாந்து, எல்லா நாட்டு கிரிக்கெட் ரசிகர்களையும் அச்சுறுத்தும் ஒரு அமைப்பாகத்தான் இந்த உலகக் கோப்பை தொடருக்குள் வந்தது.