Lorcan tucker
AFG vs IRE, 1st ODI: ஹாரி டெக்டர் சதம் வீண்; அயர்லாந்தை வீழ்த்தியது ஆஃப்கானிஸ்தான்!
ஆஃப்கானிஸ்தான் - அயர்லாந்து அணிகளுக்கு இடையேயான மூன்று போட்டிகள் கொண்ட ஒருநாள் தொடரின் முதல் போட்டி நேற்று ஷார்ஜாவில் நடைபெற்றது. இப்போட்டியில் டாஸ் வென்ற அயர்லாந்து அணி முதலில் பந்துவீசுவதாக அறிவித்தது. அதன்படி களமிறங்கிய ஆஃப்கானிஸ்தான் அணிக்கு ரஹ்மனுல்லா குர்பாஸ் - இப்ராஹிம் ஸத்ரான் இணை தொடக்கம் கொடுத்தனர். ஆரம்பம் முதலே பொறுப்பான ஆட்டத்தை வெளிப்படுத்திய இந்த இணை அணிக்கு தேவையான அடித்தளத்தை அமைத்துக்கொடுத்தனர்.
இருவரும் இப்போட்டியில் அரைசதம் கடக்க, முதல் விக்கெட்டிற்கு 150 ரன்கள் பார்ட்னர்ஷிப் அமைத்தும் அசத்தினர். இதில் 4 பவுண்டரி 2 சிக்சர்கள் என 60 ரன்கள் சேர்த்த நிலையில் இப்ராஹிம் ஸத்ரான் தனது விக்கெட்டை இழக்க, அடுத்து வந்த அஸ்மதுல்லா ஒமர்ஸாய் 19 ரன்களுக்கு தனது விக்கெட்டை இழந்தார். அதேசமயம் மறுபக்கம் அபார ஆட்டத்தை வெளிப்படுத்திய ரஹ்மனுல்லா குர்பாஸ் சதமடித்து அசத்தினார்.