Puneeth rajkumar

கன்னட திரையுலகின் சூப்பர் ஸ்டாராக வலம் வந்த புனீத் ராஜ்குமார் இன்று மாரடைப்பால் காலமானார். இதனையடுத்து கர்நாடக மாநிலம் முழுவதும் உள்ள ரசிகர்கள் பெங்களூருவில் உள்ள மருத்துவமனைக்கு படையெடுத்து வருகின்றனர்.

இன்று காலை உடற்பயிற்சி செய்து கொண்டு இருக்கும் போது புனீத் ராஜ்குமாருக்கு மாரடைப்பு ஏற்பட்டதாக கூறப்படுகிறது. மோசமான உடல்நிலையுடன் பெங்களூருவில் உள்ள விக்ரம் மருத்துவமனையில் நடிகர் புனீத் ராஜ்குமார் அனுமதிக்கப்பட்டார். அங்கு அவருக்கு தீவிர சிகிச்சை அளிக்கப்பட்டு வந்த நிலையில், சிகிச்சை பலனளிக்காமல் அவர் காலமானார்.