Venkataramana

தமிழ்நாடு அணியின் பயிற்சியாளராக டி. வாசு கடந்த 2019 ஆகஸ்டில் நியமிக்கப்பட்டார். அவரது தலைமையின் கீழ் இந்த வருடம் தமிழ்நாடு அணி சையத் முஷ்டாக் அலி டி20 கோப்பையை வென்றது. அதேசயம 2019-20-ல் சையத் முஷ்டாக் அலி, விஜய் ஹசாரே போட்டிகளில் தமிழ்நாடு அணி 2ஆம் இடம் பிடித்தது. 

கடந்த சில வருடங்களாக ரஞ்சி கோப்பைப் போட்டியில் தமிழ்நாடு அணி பெரிதாக எதுவும் சாதிக்கவில்லை. தமிழ்நாடு அணி 2016-17க்குப் பிறகு நாக் அவுட் சுற்றுக்குத் தகுதி பெறவில்லை. இதையடுத்து ஒரு மாற்றத்துக்காக  முன்னாள் வீரர் எம். வெங்கட்ரமணா, தமிழ்நாடு அணியின் பயிற்சியாளராக நியமிக்கப்பட்டுள்ளார். இவர் இந்திய அணிக்காக ஒரு டெஸ்ட், ஒரு ஒருநாள் ஆட்டத்தில் வெங்கட்ரமணா விளையாடியுள்ளார்.