ஐபிஎல் தொடரின் 18ஆவது சீசன் இறுதிக்கட்டத்தை எட்டியுள்ளது. மொத்தம் 10 அணிகள் பேற்றிருந்த இத்தொடரில் குஜராத் டைட்டன்ஸ், பஞ்சாப் கிங்ஸ், ராயல் சேலஞ்சர்ஸ் பெங்களூரு மற்றும் மும்பை இந்தியன்ஸ் அணிகள் பிளே ஆஃப் சுற்றுக்கு முன்னேறிவுள்ளன.
இந்நிலையில் இத்தொடரில் இன்று நடைபெற்ற 68ஆவது லீக் போட்டியில் பாட் கம்மின்ஸ் தலைமையிலான சன்ரைசர்ஸ் ஹைதராபாத் அணியை எதிர்த்து அஜிங்கியா ரஹானே தலைமையிலான கொல்கத்தா நைட் ரைடர்ஸ் அணி பலப்பரீட்சை நடத்தின. டெல்லியில் உள்ள அருண் ஜெட்லி கிரிக்கெட் மைதானத்தில் நடைபெற்ற இப்போட்டியில் டாஸ் வென்ற சன்ரைசர்ஸ் ஹைதராபாத் அணி முதலில் பேட்டிங் செய்வதாக அறிவித்தது. இதையடுத்து களமிறங்கிய அந்த அணியின் தொடக்க வீரர்கள் டிராவிஸ் ஹெட் மற்றும் அபிஷேக் சர்மா இணை அதிரடியான தொடக்கத்தைக் கொடுத்தனர்.
இதில் இருவரும் இணைந்து முதல் விக்கெட்டிற்கு 92 ரன்கள் பார்ட்னர்ஷிப் அமைத்திருந்த நிலையில் அபிஷேக் சர்மா 4 பவுண்டரி, 2 சிக்ஸர்களுடன் 32 ரன்களைச் சேர்த்து விக்கெட்டை இழந்தார். பின்னர் டிராவிஸ் ஹெட்டுடன் ஜோடி சேர்ந்த ஹென்ரிச் கிளாசெனும் அதிரடியாக விளையாட அணியின் ஸ்கோரும் மளமளவென உயர்ந்தது. இதில் இருவரும் தங்களுடையை அரைசதங்களை பூர்த்தி செய்ததுடன் இரண்டாவது விக்கெட்டிற்கு 80 ரன்களுக்கு மேல் பார்ட்னர்ஷிப் அமைத்தனர். அதன்பின் 6 பவுண்டரி, 6 சிக்ஸர்கள் என 76 ரன்களை சேர்த்த கையோடு பெவிலியன் திரும்பினார்.
Also Read: LIVE Cricket Score
அவரைத்தொடர்ந்து களமிறங்கிய இஷான் கிஷானும் தனது பங்கிற்கு 4 பவுண்டரி, ஒரு சிக்ஸர் என 29 ரன்களில் விக்கெட்டை இழக்க, மறுமுனையில் அதிரடியில் பிரித்து மேய்ந்த ஹென்ரிச் கிளாசென் 37 பந்துகளில் சதமடித்து அசத்தியதுடன் இறுதிவரை ஆட்டமிழக்காமல் 7 பவுண்டரிகள், 9 சிக்ஸர்கள் என 104 ரன்களைச் சேர்த்து அசத்தினார். இதன்மூலம் சன்ரைசர்ஸ் ஹைதராபாத் அணி 20 ஓவர்கள் முடிவில் 3 விக்கெட்டுகளை மட்டுமே இழந்து 278 ரன்களைச் சேர்த்தது. கொல்கத்தா நைட் ரைடர்ஸ் தரப்பில் சுனில் நரைன் இரண்டு விக்கெட்டுகளையும், வைபவ் அரோரா ஒரு விக்கெட்டையும் வீழ்த்தினர்.