இது நடக்கவில்லை என்றால் பாகிஸ்தான் அணி இந்தியா வராது - எஹ்சன் மசாரி!

உலகக் கோப்பையில் இந்தியா – பாகிஸ்தான் அணிகள் மோதும் ஆட்டம் அகமதாபாத்தில் உள்ள நரேந்திர மோடி மைதானத்தில் அக்டோபர் 15ஆம் தேதி நடைபெற உள்ளது. இப்போட்டியானது அக்டோபர் 15 ஆம் தேதி அகமதாபாத்தில் உள்ள நரேந்திர மோடி மைதானத்தில் நடைபெறவுள்ளது. இந்நிலையில், பாகிஸ்தானின் விளையாட்டுப் பொறுப்பாளர் எஹ்சான் மசாரி, இந்தப் போட்டியில் பாகிஸ்தான் பங்கேற்பதற்கு வலுவான நிபந்தனைகளை விதித்துள்ளார்.

இதுகுறித்து அவர் தனது அறிக்கையில், “பாகிஸ்தான் கிரிக்கெட் வாரியம் எனது அமைச்சகத்தின் கீழ் வருகிறது. எனவே இந்தியா தனது ஆசியக் கோப்பை போட்டிகளை நடுநிலையான இடத்தில் விளையாட விரும்பினால், இந்தியாவில்  நடக்கும் உலகக் கோப்பை போட்டிகளுக்கும் இதையே நாங்கள்  கோருவோம்  என்பது எனது தனிப்பட்ட கருத்து.

பிரதமர் ஷேபாஸ் ஷெரீப் அமைக்கும் குழுவுக்கு வெளியுறவு அமைச்சர் பிலாவல் பூட்டோ தலைமை தாங்குவார், அதில் நான் உட்பட 11 அமைச்சர்கள் அங்கம் வகிப்பார்கள். நாங்கள் அனைத்து விஷயங்களையும் ஆலோசித்து, இறுதி முடிவு எடுக்கும் பிரதமருக்கு எங்களது ஆலோசனைகளை வழங்குவோம். பாகிஸ்தானில் விதிகளின்படி நடைபெறவிருந்த ஆசியக் கோப்பை போட்டியின் இடம் தொடர்பாக பிசிசிஐ மற்றும் பிசிபி இடையே பல மாதங்களாக கருத்து வேறுபாடு நிலவி வருகிறது. 

இந்தியா பாகிஸ்தானில் சுற்றுப்பயணம் செய்யாததால், ஆசிய கிரிக்கெட் கவுன்சில் ஹைபிரிட் மாடலை ஏற்றுக்கொண்டது, இது இப்போது பாகிஸ்தானில் ஆசிய கோப்பை நடத்த வழிவகுத்தது. பாகிஸ்தானிலும் இலங்கையிலும் நடத்தப்படும் என தெரிவிக்கப்பட்டுள்ளது. இந்திய அரசு ஏன் தனது கிரிக்கெட் அணியை பாகிஸ்தானுக்கு அனுப்ப விரும்பவில்லை என்று எனக்கு புரியவில்லை. சில காலத்திற்கு முன்பு இந்திய பேஸ்பால் அணி இஸ்லாமாபாத் வந்தது. 

அதன் பிறகு பிரிட்ஜ் அணியும் பாகிஸ்தானுக்கு வந்தது. அதில் 60க்கும் மேற்பட்டோர் இருந்தனர். பாகிஸ்தானின் கால்பந்து, ஹாக்கி மற்றும் செஸ் அணிகள் இந்தியா வந்துள்ளன. ஆசிய கோப்பை விவகாரம் டர்பனில் நடைபெறும் ஐசிசியின் ஆண்டு கூட்டத்தில் இடம்பெறலாம். ஆசிய கோப்பையை தனது மண்ணில் நடத்த வேண்டும் என பாகிஸ்தான் மீண்டும் கோரிக்கை விடுத்துள்ளது. இது நடக்கவில்லை என்றால் பாகிஸ்தான் அணி ஒருநாள் உலகக் கோப்பையில் பங்கேற்க இந்தியா வராது” என்று தெரிவித்துள்ளர்.