டி20 உலகக்கோப்பை: நபி, நைப் பொறுப்பான ஆட்டம்; பாகிஸ்தனுக்கு 148 இலக்கு! 

டி20 உலகக்கோப்பை தொடரில் இன்று நடைபெற்றுவரும் 24ஆவது லீக் ஆட்டத்தில் ஆஃப்கானிஸ்தான் - பாகிஸ்தான் அணிகள் பலப்பரீட்சை நடத்தி வருகின்றன. இதில் டாஸ் வென்ற ஆஃப்கானிஸ்தான் அணி முதலில் பேட்டிங் செய்ய தீர்மானித்தது. 

அதன்படி களமிறங்கிய அந்த அணியின் தொடக்க வீரர்கள் ஹஸ்ரதுல்லா ஸஸாய், முகமது ஷசாத் ஆகியோர் சொற்ப ரன்களில் ஆட்டமிழந்து ஏமாற்றமளித்தனர். 

அடுத்து வந்த ரஹ்மனுல்லா குர்பாஸ், ஆஸ்கர் ஆஃப்கான், கரிம் ஜானத் ஆகியோர் அதிரடியாக விளையாட முயற்சித்து அடுத்தடுத்து விக்கெட்டுகளை இழந்தனர். 

இதையடுத்து ஜோடி சேர்ந்த கேப்டம் முகமது நபி - குலாபுதின் நைப் இணை அதிரடியாக விளையாடி அணியின் ஸ்கோரை உயர்த்தியது. இதன்மூலம் 20 ஓவர்கள் முடிவில் ஆஃப்கானிஸ்தான் அணி 6 விக்கெட்டுகளை இழந்து 147 ரன்களைச் சேர்த்தது. 

Also Read: டி20 உலகக் கோப்பை 2021

இதில் அதிகபட்சமாக கேப்டம் முகமது நபி 35 ரன்களையும், குலாபுதின் நைப் 35 ரன்களையும் சேர்த்தனர். பாகிஸ்தான் அணி தரப்பில் இமாத் வாசிம் 2 விக்கெட்டுகளைக் கைப்பற்றினார்.