IND vs ENG, T20I: வாழ்வா சாவா ஆட்டத்தில் இந்தியா - இங்கிலாந்து!
இந்தியா, இங்கிலாந்து அணிகளுக்கு இடையேயான டி20 தொடரின் வெற்றியாளரைத் தீர்மானிக்கும் ஐந்தாவது போட்டி நாளை அகமதாபாத்திலுள்ள நரேந்திர மோடி மைதானத்தில் நடைபெறுகிறது.
இங்கிலாந்துடெஸ்ட் தொடரில் தோல்வியடைந்த நிலையில், டி20 தொடரை தொடங்கிய இங்கிலாந்து அணிக்கு முதல் போட்டியே பெரும் வெற்றியாக அமைந்திருந்தது. ஆனால், அடுத்தடுத்த போட்டிகளில் வீரர்களின் ஒரு சில தவறுகள் அணியின் தோல்விக்கு வித்திட்டது.
Trending
இருப்பினும் பட்லர், ராய், பேர்ஸ்டோவ், மோர்கன், ஸ்டோக்ஸ் என அனைவரும் உச்சகட்ட ஃபார்மில் இருப்பது இந்திய அணிக்கு தலைவலியை கொடுக்கும் விஷயமாகவே அமைந்துள்ளது. அதற்கேற்றாற்போல், வேகப்பந்துவீச்சில் 150+ பந்துவீச்சாளர்களான ஆர்ச்சர், மார்க் வுட் என தங்களது அசுரவேக பந்துவீச்சால் இந்திய அணி பேட்ஸ்மேன்களை திக்குமுக்காடச் செய்துவருகின்றனர்.
அதேபோல், சாம் கரன், ஸ்டோக்ஸ் எனக் கூடுதல் பந்துவீச்சாளர்களை வைத்துள்ள இங்கிலாந்து அணி பெரும் சவாலாக இருக்கும் என்பதில் சந்தேகமில்லை. மேலும், நாளைய போட்டியில் வெற்றிபெற்றால் மட்டுமே ஐசிசி டி20 தரவரிசையில் இங்கிலாந்து அணியால் தொடர்ந்து முதலிடம் வகிக்க முடியும் என்பதால், இப்போட்டியின் மீதான எதிர்பார்ப்பு ரசிகர்களிடத்தில் அதிகரித்துள்ளது.
இந்திய அணி: விராட் கோலி (கேப்டன்), ரோஹித் சர்மா, கே.எல். ராகுல், சூர்யகுமார் யாதவ், ஸ்ரேயாஸ் ஐயர், ஹர்திக் பாண்டியா, ரிஷப் பந்த், வாஷிங்டன் சுந்தர், புவனேஷ்வர் குமார், ராகுல் சஹார், ஷர்துல் தாக்கூர்.
இங்கிலாந்து அணி: இயான் மோர்கன் (கேப்டன்), ஜானி பேர்ஸ்டோவ், ஜேசன் ராய், டேவிட் மாலன், ஜோஸ் பட்லர், பென் ஸ்டோக்ஸ், சாம் கரன், கிறிஸ் ஜோர்டன், ஜோஃப்ரா ஆர்ச்சர், அதில் ரஷித், மார்க் வுட்.
Win Big, Make Your Cricket Tales Now
