வான்கடேவில் 100 சிக்ஸர்கள்; வரலாறு படைத்த ரோஹித் சர்மா!
ஐபிஎல் தொடர் வரலாற்றில் ஒரே மைதானத்தில் 100க்கும் மேற்பட்ட சிக்ஸர்களை விளாசிய 4ஆவது வீரர் எனும் பெருமையை ரோஹித் சர்மா பெற்றுள்ளார்.
இதையடுத்து களமிறங்கிய சன்ரைசர்ஸ் ஹைதராபாத் அணி சிறப்பான தொடக்கத்தைப் பெற்ற நிலையிலும், மிடில் ஓவர்களில் அடுத்தடுத்து விக்கெட்டுகளை இழந்து ரன்களைச் சேர்க்க தவறியது. இதனால் அந்த அணி 20 ஓவர்கள் முடிவில் 5 விக்கெட் இழப்பிற்கு 162 ரன்களைச் சேர்த்தது. அந்த அணியில் அதிகபட்சமாக அபிஷேக் சர்மா 40 ரன்களையும், ஹென்ரிச் கிளாசென் 37 ரன்களையும் சேர்த்ததை தவிர்த்து மற்ற வீரர்கள் சோபிக்க தவறினர்.
Also Read
அதன்பின் இலக்கை நோக்கி விளையாடிய மும்பை இந்தியன்ஸ் அணிக்கு முன்னாள் கேப்டன் ரோஹித் சர்மா அதிரடியான தொடக்கத்தைக் கொடுத்தார். இப்போட்டியில் சிறப்பான தொடக்கத்தை பெற்றிருந்த அவர் பெரிய ஸ்கோரை குவிப்பார் என எதிர்பார்க்கப்பட்ட நிலையில், 3 சிக்ஸர்களுடன் 26 ரன்களை மட்டுமே எடுத்த கையோடு விக்கெட்டை இழந்தார். இப்போட்டியில் அவர் பெரிதளவில் ரன்களை அடிக்கவில்லை என்றாலும் சிறப்பு சாதனை பட்டியலில் இணைந்துள்ளார்.
மும்பையில் உள்ள வான்கடே மைதானத்தில் வியாழக்கிழமை (ஏப்ரல் 17) சன்ரைசர்ஸ் ஹைதராபாத் அணிக்கு எதிரான இந்தியன் பிரீமியர் லீக் 2025 போட்டியில் மும்பை இந்தியன்ஸ் அணியின் நட்சத்திர பேட்ஸ்மேன் ரோஹித் சர்மா ஒரு சிறப்பு சாதனையைப் படைத்தார். ரோஹித் 16 பந்துகளில் 3 சிக்ஸர்களுடன் 26 ரன்கள் எடுத்து, பேட் கம்மின்ஸால் ஆட்டமிழந்து பெவிலியன் திரும்பினார்.
அந்தவகையில் அவர் தனது இன்னிங்ஸின் முதல் சிக்ஸரை அடித்ததன் மூலம், வான்கடே கிரிக்கெட் மைதானத்தில் தனது 100 சிக்ஸர்களை நிறைவு செய்தார். இதன்மூலம் ஐபிஎல் தொடர் வரலாற்றில் ஒரே மைதானத்தில் 100க்கும் மேற்பட்ட சிக்ஸர்களை விளாசிய 4ஆவது வீரர் எனும் பெருமையை ரோஹித் சர்மா பெற்றுள்ளார்.இதற்கு முன்பு, விராட் கோலி, கிறிஸ் கெய்ல் மற்றும் ஏபி டிவில்லியர்ஸ் மட்டுமே இந்த சாதனையைப் படைத்திருந்தனர் என்பது குறிப்பிடத்தக்கது.
ஐபிஎல் தொடரில் ஒரு மைதானத்தில் அதிக சிக்ஸர்கள் அடித்த வீரர்கள்
- விராட் கோலி - 130 சிக்ஸர்கள், பெங்களூரு
- கிறிஸ் கெயில் - 127 சிக்ஸர்கள், பெங்களூரு
- ஏபிடி வில்லியர்ஸ் - 118 சிக்ஸர்கள், பெங்களூரு
- ரோஹித் சர்மா - 102 சிக்ஸர்கள், மும்பை
சன்ரைசர்ஸ் ஹைதராபாத் பிளேயிங் லெவன்: டிராவிஸ் ஹெட், அபிஷேக் ஷர்மா, இஷான் கிஷன், நிதிஷ் குமார் ரெட்டி, ஹென்ரிச் கிளாசென், அனிகேத் வர்மா, பாட் கம்மின்ஸ்(கேப்டன்), ஹர்சல் படேல், ஜீஷன் அன்சாரி, முகமது ஷமி, எஷான் மலிங்கா
இம்பேக்ட் வீரர்கள்: அபினவ் மனோகர், ஜெய்தேவ் உனத்கட், சச்சின் பேபி, ராகுல் சாஹர், வியான் முல்டர்
மும்பை இந்தியன்ஸ் பிளேயிங் லெவன்: ரியான் ரிக்கல்டன், வில் ஜாக்ஸ், சூர்யகுமார் யாதவ், திலக் வர்மா, ஹர்திக் பாண்டியா(கேப்டன்), நமன் திர், மிட்செல் சான்ட்னர், தீபக் சாஹர், டிரென்ட் போல்ட், ஜஸ்பிரித் பும்ரா, கர்ண் சர்மா
Also Read: Funding To Save Test Cricket
இம்பேக்ட் வீரர்கள்: ரோஹித் சர்மா, கார்பின் போஷ், அஸ்வானி குமார், ராஜ் பாவா, ராபின் மின்ஸ்
Win Big, Make Your Cricket Tales Now
