எல்பிஎல் 2023: கண்டியை பந்தாடி தம்புலா அசத்தல் வெற்றி!
பி லௌவ் கண்டி அணிக்கெதிரான எல்பிஎல் லீக் ஆட்டத்தில் தம்புலா ஆரா அணி 20 ரன்கள் வித்தியாசத்தில் வெற்றிபெற்று அசத்தியது.
அதன்படி களமிறங்கிய தம்புலா அணிக்கு அவிஷ்கா ஃபெர்னாண்டோ - சதீரா சமரவிக்ரமா இணை அதிரடியான தொடக்கத்தைக் கொடுத்து அடித்தளம் அமைத்தனர். இதில் சமரவிக்ரமா 31 ரன்களிலும், அடுத்து களமிறங்கிய லசித் 6 ரன்களுக்கும் ஆட்டமிழக்க, மறுமுனையில் அரைசதம் அடிப்பார் என எதிர்பார்க்கப்பட்ட அவிஷ்கா ஃபெர்னாண்டோவும் 41 ரன்களில் விக்கெட்டை இழந்தார்.
Trending
இதையடுத்து களமிறங்கிய பென் மெக்டர்மோட் தனது பங்கிற்கு 3 பவுண்டரி, 2 சிக்சர்கள் என 37 ரன்களையும், தனஞ்செயா டி சில்வா 10 ரன்களையும், ஹெய்டன் கெர் 26 ரன்களையும் சேர்த்து அணிக்கு தேவையா ஸ்கோரை உயர்த்தினர்.
இதன்மூலம் நிர்ணயிக்கப்பட்ட 20 ஓவர்கள் முடிவில் தம்புலா ஆரா அணி 7 விக்கெட்டுகளை இழந்து 162 ரன்களைச் சேர்த்தது. கண்டி அணி தரப்பில் நுவான் பிரதீப் 3 விக்கெட்டுகளையும், முஜீப் உர் ரஹ்மான் 2 விக்கெட்டுகளையும், டி சில்வா, வநிந்து ஹசரங்கா ஆகியோர் தலா ஒரு விக்கெட்டையும் கைப்பற்றினர்.
இதையடுத்து இலக்கை நோக்கி களமிறங்கிய கண்டி அணியின் தொடக்க வீரர்கள் முகமது ஹாரிஸ் 2 ரன்களுக்கும், ஃபகர் ஸமான் 8 ரன்களுக்கும் என அடுத்தடுத்து விக்கெட்டுகளை இழந்து பெவிலியனுக்கு நடையைக் கட்டினர். அதன்பின் களமிறங்கிய தினேஷ் சண்டிமல் - வநிந்து ஹசரங்கா இணை ஓரளவு தாக்குப்பிடித்து அணியின் ஸ்கோரை உயர்த்தினர்.
பின் வநிந்து ஹசரங்கா 19 ரன்களுக்கும், அடுத்து களமிறங்கிய ஏஞ்சலோ மேத்யூஸ் 26 ரன்களுக்கும் என ஆட்டமிழக்க, மறுமுனையில் பொறுப்பான ஆட்டத்தை வெளிப்படுத்தி அரைசதம் கடந்திருந்த தினேஷ் சண்டிமல் 50 ரன்களுடன் விக்கெட்டை இழந்தார். பின்னர் களமிறங்கிய வீரர்களும் சோபிக்க தவறினர்.
இதனால் 19.4 ஓவர்களில் கண்டி அணி அனைத்து விக்கெட்டுகளையும் இழந்து 142 ரன்களுக்கு ஆல் அவுட்டானது. தம்புலா அணி தரப்பில் தனஞ்செயா டி சில்வா 4 விக்கெட்டுகளைக் கைப்பற்றினார். இதன்மூலம் தம்புலா ஆரா அணி 20 ரன்கள் வித்தியாச்தில் பி லௌவ் கண்டி அணியை வீழ்த்தி வெற்றிபெற்றது.
Win Big, Make Your Cricket Tales Now
