பாகிஸ்தானில் சுற்றுப்பயணம் மேற்கொண்டுள்ள ஆஸ்திரேலிய கிரிக்கெட் அணி முதலில் 3 போட்டிகள் கொண்ட டெஸ்ட் தொடரில் விளையாடுகிறது. ராவல்பிண்டி மற்றும் கராச்சியில் நடைபெற்ற முதலிரண்டு டெஸ்ட் ஆட்டங்களும் டிராவில் முடிந்த நிலையில், மூன்றாவது டெஸ்ட் ஆட்டம் லாகூரிலுள்ள கடாஃபி மைதானத்தில் நாளை தொடங்குகிறது.
இந்நிலையில் இப்போட்டிக்கான ஆஸ்திரேலிய அணியின் பிளேயிங் லெவன் இன்று அறிவிக்கப்பட்டுள்ளது. இப்போட்டிக்கான ஆஸ்திரேலிய அணியிலும் ஜோஷ் ஹசில்வுட், ஸ்காட் போலண்டிற்கு ஓய்வளிக்கப்பட்டுள்ளது.
இதுகுறித்து பேசிய ஆஸ்திரேலிய கேப்டன் பேட் கம்மின்ஸ், "கடந்த ஆட்டத்தில் 11 வீரர்களும் விளையாடிய விதம் எனக்கு உண்மையில் மகிழ்ச்சியளிக்கிறது. நல்ல நிலையில் வர அவர்களுக்கு கூடுதலாக இரண்டு நாள்கள் வழங்கப்பட்டன. காயங்கள் பற்றிய பிரச்னை ஏதும் இல்லை. அனைவரும் புத்துணர்ச்சியுடனே உள்ளனர். எனவே, அதே 11 வீரர்கள் மீது எங்களுக்கு நம்பிக்கை உள்ளது.
