பிஎஸ்எல் 2021: மில்லர் அதிரடியில் இமாலய வெற்றியைப் பதிவுசெய்த குயிட்டா கிளாடியேட்டர்ஸ்!

பெஸ்வர் ஸால்மி - குயிட்ட கிளாடியேட்டர்ஸ் அணிகளுக்கு இடையேயான பிஎஸ்எல் லீக் ஆட்டத்தில் பெஸ்வர் ஸால்மி அணி 61 ரன்கள் வித்தியாசத்தில் வெற்றிபெற்று அசத்தியது.

psl-2021-match-19-peshawar-zalmi-beat-quetta-gladiators-by-61-runs (Image Source: Google)

பிஎஸ்எல் தொடரின் 6ஆவது சீசனில் நேற்று நடைபெற்று வரும் 19ஆவது லீக் ஆட்டத்தில் குயிட்ட கிளாடியேட்டர்ஸ் அணி, பெஸ்வர் ஸால்மி அணிகள் மோதின. இப்போட்டியில் டாஸ் வென்ற குயிட்ட கிளாடியேட்டர்ஸ் முதலில் பந்து வீசத்தீர்மானித்தது. 

இதையடுத்து களமிறங்கிய பெஸ்வர் ஸால்மி அணியில் காம்ரன் அக்மல் - டேவிட் மில்லர் இணை அதிரடியான அட்டத்தை வெளிப்படுத்தி அணியின் ஸ்கோரை உயர்த்தியது. இதனால் 20 ஓவர்களில் பெஸ்வர் ஸால்மி அணி 5 விக்கெட் இழப்பிற்கு 197 ரன்களைச் சேர்த்தது. 

அந்த அணியில் அதிகபட்சமாக டேவிட் மில்லர் 73 ரன்களையும், காம்ரன் அக்மல் 59 ரன்களையும் சேர்த்தனர். குயிட்ட கிளாடியேட்டர்ஸ் அணி தரப்பில் முகமது நவாஸ் 2 விக்கெட்டுகளைக் கைப்பற்றினார். 

இதையடுத்து இலக்கை துரத்திய குயிட்ட கிளாடியேட்டர்ஸ் அணிக்கு தொடக்க வீரர்களாக களமிறங்கிய சாயிம் ஆயூப் - உஸ்மான் கான் இணை சிறப்பான தொடக்கத்தை தந்தனர். இதில் ஆயூப் 35 ரன்களில் ஆட்டமிழக்க, அவரைத் தொடர்ந்து உஸ்மான் கானும் 28 ரன்களில் விக்கெட்டை இழந்தார். 

அவர்களைத் தொடர்ந்து வந்த வீரர்களும் அடுத்தடுத்து விக்கெட்டுகளை இழந்ததால், 20 ஓவர்கள் முடிவில் குயிட்டா கிளாடியேட்டர்ஸ் அணி 9 விக்கெட் இழப்பிற்கு 136 ரன்களை மட்டுமே எடுத்திருந்தது. இதன் மூலம் பெஸ்வர் ஸால்மி அணி 61 ரன்கள் வித்தியாசத்தில் குயிட்டா கிளாடியேட்டர்ஸ் அணியை வீழ்த்தி அபார வெற்றிபெற்றது.

பெஸ்வர் ஸால்மி - குயிட்டா கிளாடியேட்டர்ஸ் அணிகளுக்கு இடையேயான போட்டியின் ஹைலைட்ஸ் காணொளி..!

 

Win Big, Make Your Cricket Tales Now