பிஎஸ்எல் 2022: இஸ்லாமாபாத்திற்கு 175 டார்கெட்!

பிஎஸ்எல் 2022: இஸ்லாமாபாத் யுனைடெட் அணிக்கெதிரான லீக் ஆட்டத்தில் லாகூர் கலந்தர்ஸ் அணி 175 ரன்களை இலக்காக நிர்ணயித்துள்ளது.

பாகிஸ்தான் சூப்பர் லீக் டி20 தொடரில் இன்று நடைபெற்று வரும் 12ஆவது லீக் ஆட்டத்தில் லாகூர் கலந்தர்ஸ் - இஸ்லாமாபாத் யுனைடெட் அணிகள் பலப்பரீட்சை நடத்தி வருகின்றன. இதில் டாஸ் வென்ற இஸ்லாமாபாத் அணி முதலில் பந்துவீச தீர்மானித்தது. 

அதன்படி களமிறங்கிய லாகூர் கலந்தர்ஸ் அணிக்கு ஃபகர் ஸமான் - அப்துல்லா ஷஃபிக் இணை அதிரடியான ஆட்டத்தை வெளிப்படுத்தினர். 

பின்னர் ஃபகர் ஸமான் 38 ரன்களில் ஆட்டமிழக்க, அப்துல்லா ஷஃபிக்கும் 44 ரன்களிலும் ஆட்டமிழந்து வெளியேறினர். அடுத்து களமிறங்கிய காம்ரன் குலாம், முகமது ஹபீஸ், பிலிப் சால்ட் ஆகியோரும் சொற்ப ரன்களில் ஆட்டமிழந்து வெளியேறினர். 

அதன்பின் களமிறங்கிய ஹாரி ப்ரூக் அதிரடியாக விளையாடி 37 ரன்களைச் சேர்த்து அசத்தினார். இதன்மூலம் 20 ஓவர்கள் முடிவில் லாகூர் கலந்தர்ஸ் அணி 9 விக்கெட்டுகளை இழந்து 174 ரன்களைச் சேர்த்தது. 

இஸ்லாமாபாத் அணி தரப்பில் வகாஸ் மக்சூத் 4 விக்கெட்டுகளைக் கைப்பற்றி அசத்தினார். இதையடுத்து 175 ரன்கள் எடுத்தால் வெற்றி என்ற இலக்குடன் இஸ்லாமாபாத் அணி விளையாடவுள்ளது.

Win Big, Make Your Cricket Tales Now