T20 World Cup: Max ODowd Helps Netherlands Post 164/4 Against Namibia (Image Source: Google)
டி20 உலகக்கோப்பை தொடரின் முதல் சுற்றின் 7ஆவது லீக் ஆட்டத்தில் நெதர்லாந்து - நமீபியா அணிகள் பலப்பரீட்சை நடத்தி வருகின்றன. இதில் டாஸ் வென்ற நமீபியா அணி முதலில் பந்துவீச தீர்மானித்தது.
அதன்படி களமிறங்கிய நெதர்லாந்து அணிக்கு மேக்ஸ் ஓடவுட் - மைபர்க் இணை அதிரடியான தொடக்கத்தைக் கொடுத்தது. இதில் மைபர்க் 17 ரன்களில் ஆட்டமிழக்க, அவரைத் தொடர்ந்து வந்த வென்டெர் மெர்வே 6 ரன்களில் வெளியேறினார்.
இருப்பினும் மறுமுனையில் அதிரடியாக விளையாடி வந்த மேக்ஸ் ஓடவுட் அரைசதம் கடந்து அசத்தினார். தொடர்ந்து சிறப்பாக விளையாடி வந்த ஓடவுட் 70 ரன்கள் எடுத்திருந்த நிலையில் ரன் அவுட்டாகி ஆட்டமிழந்தார்.
