டி20 ஆசிய கோப்பை கிரிக்கெட் தொடரானது இன்று முதல் ஐக்கிய அரபு அமீரகத்தில் கோலாகலமாக தொடங்கியுள்ளது. மொத்தம் 8 அணிகள் பங்கேற்றுள்ள இந்த தொடரில், குரூப் ஏ பிரிவில் இந்தியா, பாகிஸ்தான், ஐக்கிய அரபு அமீரகம், ஓமன் அணிகளும், குரூப் பி பிரிவில் ஆஃப்கானிஸ்தான், இலங்கை, வங்கதேசம் மற்றும் ஹாங்காங் அணிகளும் இடம்பிடித்துள்ளன. இதனால் இத்தொடரில் எந்த அணி சாம்பியன் பட்டத்தை வெல்லும் என்ற எதிர்பார்ப்புகள் அதிகரித்துள்ளன. 

அதன்படி இன்று நடைபெறும், தொடரின் நான்காவது லீக் போட்டியில் குரூப் பி பிரிவில் இடம் பிடித்துள்ள இலங்கை மற்றும் வங்கதேச அணிகள் பலப்பரீட்சை நடத்தவுள்ளன. அபுதாபியில் உள்ள ஷேக் சயீத் கிரிக்கெட் மைதானத்தில் நடைபெறும் இப்போட்டியில் டாஸை வென்ற இலங்கை அணி முதலில் பந்துவீசுவதாக அறிவித்துள்ளது. மேலும் இரு அணிகளிலும் நட்சத்திர வீரர்கள் இருப்பதால் இந்த போட்டி மீதான எதிர்பார்ப்புகளும் அதிகரித்துள்ளன. 

வங்கதேசம் பிளேயிங் லெவன்: பர்வேஸ் ஹொசைன் எமன், டான்சித் ஹசன் தமீம், லிட்டன் தாஸ்(w/c), டவ்ஹித் ஹிரிடோய், ஜேக்கர் அலி, ஷமிம் ஹொசைன், மஹேதி ஹசன், ரிஷாத் ஹொசைன், தன்சிம் ஹசன் சாகிப், ஷோரிஃபுல் இஸ்லாம், முஸ்தஃபிசூர் ரஹ்மான்

இலங்கை பிளேயிங் லெவன்: பதும் நிஸ்ஸங்க, குசல் மெண்டிஸ், கமில் மிஷாரா, குசல் பெரேரா, சரித் அசலங்கா(கேப்டன்), கமிந்து மெண்டிஸ், தசுன் ஷனக, வனிந்து ஹசரங்க, துஷ்மந்த சமீர, மதீஷ பத்திரன, நுவான் துஷார