சிபிஎல் தொடரில் இன்று நடைபெறும் 9ஆவது லீக் ஆட்டத்தில் ஃபாஃப் டூ பிளெசிஸ் தலைமையிலான செயிண்ட் லூசியா கிங்ஸ் அணியும், கிரேன் பொல்லார்ட் தலைமையிலான டிரின்பாகோ நைட் ரைடர்ஸ் அணியும் பலப்பரீட்சை நடத்துகின்றனர்.
செயிண்ட் கிட்ஸிலுள்ள வார்னர் பார்க் மைதானத்தில் நடைபெறும் இப்போட்டியில் டாஸ் வென்ற செயிண்ட் லூசியா கிங்ஸ் அணி முதலில் பந்துவீச தீர்மானித்துள்ளது.
சிபிஎல் தொடரின் 7ஆவது லீக் ஆட்டத்தில் இந்த இரு அணிகளும் மோதியதில், செயிண்ட் லூசியா கிங்ஸ் அணி 5 ரன்கள் வித்தியாசத்தில் டிரின்பாகோ நைட் ரைடர்ஸ் அணியை வீழ்த்தி த்ரி வெற்றிபெற்றது.
இதனால் முந்தைய தோல்விக்கு பதிலடி கொடுக்கும் வகையில் டிரின்பாகோ நைட் ரைடர்ஸ் அணி இப்போட்டியில் களமிறங்கும் என ரசிகர்கள் ஆவலுடன் காத்திருக்கின்றனர்.
செயிண்ட் லூசியா கிங்ஸ்: ராகீம் கார்ன்வால், ஆண்ட்ரே பிளெட்சர், ஃபாஃப் டு ப்ளெஸிஸ், மார்க் டீயல், ரோஸ்டன் சேஸ், டிம் டேவிட், கீமோ பால், சமீத் படேல், வஹாப் ரியாஸ், கெசரிக் வில்லியம்ஸ், அல்சாரி ஜோசப்.
டிரின்பாகோ நைட் ரைடர்ஸ்: லெண்ட்ல் சிம்மன்ஸ், சுனில் நரைன், காலின் முன்ரோ, டிம் செய்ஃபெர்ட், டியன் வெப்ஸ்டர், தினேஷ் ராம்டின், கீரன் பொல்லார்ட் (கே), இசுரு உதானா, அகில் ஹொசைன், ரவி ராம்பால், ஜெய்டன் சீல்ஸ்.
