Chennai Super Kings vs Rajasthan Royals, IPL 2024 Dream11 Team: ரசிகர்களின் பெரும் எதிர்பார்ப்புகளுக்கு மத்தியில் இந்தியாவின் பல்வேறு நகரங்களில் நடைபெற்றுவந்த ஐபிஎல் தொடரின் 17ஆவது சீசன் இறுதிக்கட்டத்தை எட்டியுள்ளது. இத்தொடரில் எந்த நான்கு அணிகள் பிளே ஆஃப் சுற்றுக்கு முன்னேறும் என்ற எதிர்பார்ப்புகள் நாளுக்கு நாள் அதிகரித்து வருகின்றன. அந்தவகையில் நாளை நடைபெறும் முக்கியமான லீக் போட்டி ஒன்றில் ருதுராஜ் கெய்க்வாட் தலைமையிலான சென்னை சூப்பர் கிங்ஸ் அணியை எதிர்த்து சஞ்சு சாம்சன் தலைமையிலான ராஜஸ்தான் ராயல்ஸ் அணி விளையாடவுள்ளது. நடப்பு சீசனில் ராஜஸ்தான் ராயல்ஸ் அணி 8 வெற்றிகளைப் பெற்று பிளே ஆஃப் சுற்றை ஏறத்தாழ உறுதிசெய்தாலும் புள்ளிப்பட்டியலில் முதல் இரண்டு இடங்களை தக்கவைக்க இந்த வெற்றியானது அந்த அணிக்கு மிகவும் முக்கியமாக பார்க்கப்படுகிறது. அதேசமயம் மறுபக்கம் பிளே ஆஃப் சுற்றுக்கான வாய்ப்பில் ஊசலாடிக்கொண்டிருக்கும் சென்னை சூப்பர் கிங்ஸ் அணியாந்து இனிவுள்ள அனைத்து போட்டிகளையும் வென்றாக வேண்டிய கட்டாயத்தில் உள்ளது. இரு அணிகளும் வெற்றிக்காக கடுமையாக போராடும் என்பதால் நிச்சயம் விறுவிறுப்புக்கு பஞ்சமிருக்காது என எதிர்பார்க்கப்படுகிறது.