ஐசிசி 50 ஓவர் உலகக் கோப்பை கிரிக்கெட் போட்டி வரும் அக்டோபர் மாதம் இந்தியாவில் நடைபெற உள்ளது. சுமார் 12 ஆண்டுகளுக்குப் பிறகு இந்தியாவில் இந்தத் தொடர் நடைபெறுகிறது. இதில் மொத்தம் 10 அணிகள் பங்கேற்கவுள்ள நிலையில், போட்டியை நடத்தும் இந்தியா உள்பட 8 அணிகள் பிரதான சுற்றுக்கு நேரடியாகத் தகுதிபெற்றுவிட்டன. எஞ்சியிருக்கும் 2 இடங்களுக்கான அணிகள் தகுதிச்சுற்று ஆட்டங்கள் மூலம் முடிவு செய்யப்படவுள்ளன.

ஒருநாள் உலகக்கோப்பை கிரிக்கெட் தொடருக்கான தகுதிச்சுற்று போட்டிகள் ஜிம்பாப்வேவில் நடைபெற்று வருகிறது. இதில் இன்று நடைபெறும் 9ஆவது வெஸ்ட் இண்டீஸ் - நேபாள் அணிகள் பலப்பரீட்சை நடத்துகின்றன. ஹராரேவில் நடைபெறும் இப்போட்டியில் டாஸ் வென்றுள்ள நேபாள் அணி முதலில் பந்துவீசுவதாக அறிவித்துள்ளது. 

வெஸ்ட் இண்டீஸ்: பிராண்டன் கிங், கைல் மேயர்ஸ், ஜான்சன் சார்லஸ், ஷாய் ஹோப்(கே), நிக்கோலஸ் பூரன், ரோஸ்டன் சேஸ், ரோவ்மேன் பவல், ஜேசன் ஹோல்டர், கீமோ பால், அல்ஸாரி ஜோசப், அகேல் ஹொசைன்

நேபாளம்: குஷால் புர்டெல், ஆசிப் ஷேக்(வ), பீம் ஷர்கி, ரோஹித் பவுடல்(கே), குஷால் மல்லா, திபேந்திர சிங் ஐரி, ஆரிப் ஷேக், குல்சன் ஜா, கரண் கேசி, சந்தீப் லாமிச்சனே, லலித் ராஜ்பன்ஷி