ஐசிசியின் ஒருநாள் உலகக்கோப்பை கிரிக்கெட் தொடரும் வரும் அக்டோபர் 5ஆம் தேதி முதல் இந்தியாவில் நடைபெறவுள்ளது. இந்நிலையில் இத்தொடரில் பங்கேற்கும் அணிகளுக்கான பயிற்சி போட்டிகள் இன்று முதல் தொடங்குகிறது. 

அதன்படி இன்று நடைபெறும் முதலாவது போட்டியில் பாகிஸ்தான் மற்றும் நியூசிலாந்து அணிகள் ஹைதராபாத்தில் பலப்பரீட்சை நடத்துகிறது. இப்போட்டியில் டாஸ் வென்றுள்ள பாகிஸ்தான் அணி முதலில் பேட்டிங் செய்வதாக அறிவித்துள்ளது.

அதேபோல் இன்று நடைபெறும் மற்றொரு பயிற்சி ஆட்டத்தில் வங்கதேசம் - இலங்கை அணிகள் மோதுகின்றன. கௌகாத்தியில் நடைபெறும் இப்போட்டியில் டாஸ் வென்ற இலங்கை அணியானது முதலில் பேட்டிங்கை தெர்வு செய்துள்ளது. 

மேலும் இன்று திருவனந்தபுரத்தில் நடைபெற இருந்த ஆஃப்கானிஸ்தான் - தென் ஆப்ரிக்க அணிகளுக்கு இடையேயான பயிற்சி போட்டி மழை காரணமாக டாஸ் போடப்படாமல் தாமதமாகியுள்ளது.