வெஸ்ட் இண்டீஸ் மண்ணில் நடைபெற்று வரும் 2023 கரீபியன் ப்ரீமியர் லீக் டி20 கிரிக்கெட் தொடரில் இன்று நடைபெற்ற 18ஆவது லீக் போட்டியில் செயின்ட் கிட்ஸ் & நேவிஸ் பேஃட்ரியட்ஸ் மற்றும் பார்போடாஸ் ராயல்ஸ் ஆகிய அணிகள் மோதின. பார்போடாஸ் நகரில் நடைபெற்ற இந்தப் போட்டியில் டாஸ் வென்று முதலில் பேட்டிங் செய்த செயின்ட் கிட்ஸ் அணி 20 ஓவர்களில் அதிரடியாக விளையாடி 220/4 ரன்கள் சேர்த்து மிரட்டியது. அந்த அணிக்கு ஆண்ட்ரே ஃபிளட்சர் 56 , வில் ஸ்மித் 63, கேப்டன் செர்பான் ரூத்தார்ஃபோர்ட் 65 என டாப் ஆர்டர் பேட்ஸ்மேன்கள் தேவையான ரன்களை அதிரடியான ஸ்ட்ரைக் ரேட்டில் குவித்தனர்.