Delhi Capitals vs Lucknow Super Giants, IPL 2024 Dream11 Team: ரசிகர்களின் பெரும் எதிர்பார்ப்புகளுக்கு மத்தியில் இந்தியாவின் பல்வேறு நகரங்களில் நடைபெற்றுவந்த ஐபிஎல் தொடரின் 17ஆவது சீசன் இறுதிக்கட்டத்தை எட்டியுள்ளது. இதில் கேகேஆர் அணி மட்டுமே பிளே ஆஃப் வாய்ப்பை உறுதிசெய்துள்ள நிலையில் மீதமுள்ள மூன்று இடங்களுக்கான போட்டி சூடுபிடிக்க தொடங்கியுள்ளது. அந்தவகையில் நாளை நடைபெறும் 64ஆவது லீக் போட்டியில் ரிஷப் பந்த் தலைமையிலான டெல்லி கேப்பிட்டல்ஸ் அணியை எதிர்த்து கேஎல் ராகுல் தலைமையிலான லக்னோ சூப்பர் ஜெயண்ட்ஸ் அணியானது பலப்பரீட்சை நடத்துகிறது. இதில் லக்னோ அணி எஞ்சியுள்ள இரண்டு போட்டிகளிலும் வெற்றிபெற்றால் மட்டுமே 16 புள்ளிகளைப் பெற்று பிளே ஆஃப் வாய்ப்பை உறுதிசெய்யும் என்ற நெருக்கடியில் உள்ளது. அதேசமயம் மறுபக்கம் டெல்லி கேப்பிட்டல்ஸ் அணியோ இந்த போட்டியில் இமாலய வெற்றியைப் பதிவுசெய்வதுடன், மற்ற அணிகளின் வெற்றி தோல்வி முடிவில் பிளே ஆஃப் வாய்ப்பை எதிர்பார்த்து காத்துள்ளது. இதனால் நிச்சயம் இப்போட்டியில் சுவாரஸ்யத்திற்கு பஞ்சமிருக்காது என எதிர்பார்க்கப்படுகிறது.