இங்கிலாந்து - பாகிஸ்தான் அணிகள் தற்போது 3 போட்டிகள் கொண்ட டி20 தொடரில் விளையாடி வருகின்றனர். இதில் முன்னதாக நடைபெற்ற இரண்டு போட்டிகளில் இரு அணிகளும் தலா ஒரு வெற்றியைப் பெற்று சமநிலையில் உள்ளன.

இந்நிலையில் தொடரின் வெற்றியாளரைத் தீர்மானிக்கும் 3ஆவது டி20 போட்டி மான்செஸ்டரில் இன்று நடைபெறுகிறது. 

இப்போட்டில் டஸ் வென்ற பாகிஸ்தான் அணி முதலில் பேட்டிங் செய்ய தீர்மானித்துள்ளது. இன்றைய போட்டியில் வெற்றி பெறும் அணி இத்தொடரை வெல்லும் என்பதால், இப்போட்டியின் மீதான எதிர்பார்ப்பு அதிகரித்துள்ளது.

இங்கிலாந்து (விளையாடும் லெவன்): ஜேசன் ராய், ஜோஸ் பட்லர், டேவிட் மாலன், ஜானி பேர்ஸ்டோவ், மொயீன் அலி, ஈயன் மோர்கன் (கே), லியாம் லிவிங்ஸ்டன், கிறிஸ் ஜோர்டன், டேவிட் வில்லி, ஆதில் ரஷீத், சாகிப் மஹ்மூத்.

பாகிஸ்தான் (விளையாடும் லெவன்): முகமது ரிஸ்வான், பாபர் அசாம் (கே), சோஹைப் மக்சூத், முகமது ஹபீஸ், ஃபகர் ஸமான், சதாப் கான், இமாத் வாசிம், ஹசன் அலி, ஷாஹீன் அஃப்ரிடி, உஸ்மான் காதிர், முகமது ஹஸ்னைன்.