இந்தியா - இங்கிலாந்து அணிகளுக்கு இடையேயான மூன்றாவது டெஸ்ட் போட்டி லீட்ஸில் நடைபெற்று வருகிறது. இதில் டாஸ் வென்று முதலில் பேட்டிங் செய்த இந்திய அணி 78 ரன்களில் ஆல் அவுட்டாகி, முதல் இன்னிங்ஸை முடித்தது. 

அதன்பின் களமிறங்கிய இங்கிலாந்து அணி ஜோ ரூட்டின் அதிரடியான சதத்தால் 432 ரன்களை குவித்தது. பின் 354 ரன்கள் பின் தங்கிய நிலையில் இரண்டாவது இன்னிங்ஸைத் தொடர்ந்து இந்திய அணியில் ராகுல் 8 ரன்களில் ஆட்டமிழந்து வெளியேற மறுமுனையிலிருந்து ரோஹித் சர்மா அரைசதமடித்து ஆட்டமிழந்தார். 

பின் ஜோடி சேர்ந்த புஜாரா - விராட் கோலி இணை நிதானமான ஆட்டத்தை வெளிப்படுத்தி அணியின் ஸ்கோரை உயர்த்தினர். இதன்மூலம் மூன்றாம் நாள் ஆட்டநேர முடிவில் இந்திய அணி 2 விக்கெட்டுகளை மட்டுமே இழந்து 215 ரன்களை எடுத்தது. இதில் புஜாரா 91 ரன்களுடனும், விராட் கோலி 45 ரன்களுடனும் களத்தில் உள்ளனர். 

இந்தியா - இங்கிலாந்து அணிகளுக்கு இடையேயான மூன்றாவது டெஸ்டின் 3ஆம் நாள் ஹைலைட்ஸ் காணொளி!