இங்கிலாந்து -இந்திய அணிகளுக்கு இடையேயான முதல் டெஸ்ட் போட்டியின் இரண்டாம் நாள் ஆட்டம் நேற்று நடைபெற்றது. இதில் 21 ரன்களுடன் முதல் இன்னிங்ஸை தொடர்ந்த இந்திய அணிக்கு ராகுல் - ரோஹித் இணை சிறப்பான அடித்தளத்தை அமைத்துக் கொடுத்தனர். 

பின் ரோஹித் 36 ரன்கள் எடுத்திருந்த நிலையில் ஆட்டமிழக்க மறுமுனையிலிருந்த ராகுல் அரைசதம் கடந்தார். பின்னர் களமிறங்கிய புஜாரா, விராட் கோலி, ரஹானே என அனுபவ வீரர்கள் சொற்ப ரன்களில் ஆட்டமிழந்து ஏமாற்றமளித்தனர். 

அதன்பின் இந்திய அணி 4 விக்கெட் இழப்பிற்கு 125 ரன்கள் எடுத்திருந்த நிலையில் மழை பெய்ததால் ஆட்டம் தடைபட்டது. இதனால் இரண்டாம் நாள் ஆட்டம் அத்துடன் கைவிடப்பட்டது. 

இந்திய அணி தரப்பில் கே.எல்.ராகுல் 57 ரன்களுடனும், ரிஷப் பந்த் 7 ரன்களுடனும் களத்தில் உள்ளனர். இங்கிலாந்து அணி தரப்பில் ஆண்டர்சன் 2 விக்கெட்டுகளைக் கைப்பற்றினார். 

இங்கிலாந்து - இந்தியா ஆணிகளுக்கு இடையேயான முதல் டெஸ்ட் போட்டியின் இரண்டாம் நாள் ஹைலைட்ஸ் காணொளி