ஆஃப்கானிஸ்தான் கிரிக்கெட் அணி இந்தியாவில் சுற்றுப்பயணம் செய்து விளையாடி வருகிறது. இரு அணிகளுக்கும் இடையேயான 3 போட்டி கொண்ட டி20 தொடரில் முதல் 2 ஆட்டத்தில் இந்தியா வெற்றி பெற்று தொடரை கைப்பற்றியது. மொகாலியில் நடந்த முதல் போட்டி மற்றும் இந்தூரில் நடந்த 2ஆவது போட்டியில் 6 விக்கெட் வித்தியாசத்தில் வெற்றி பெற்றது.

இந்நிலையில், இந்தியா- ஆஃப்கானிஸ்தான் அணிகள் மோதும் 3ஆவது மற்றும் கடைசி 20 ஓவர் போட்டி பெங்களூரு சின்னசாமி மைதானத்தில் இன்று நடைபெறுகிறது. இப்போட்டியில் டாஸ் வென்றுள்ள இந்திய அணி முதலில் பேட்டிங் செய்வதாக அறிவித்துள்ளது. இன்றைய போட்டிக்கான இந்திய அணியில் ஜித்தேஷ் சர்மா நீக்கப்பட்டு, சஞ்சு சாம்சன் அணியில் இடம்பிடித்துள்ளார்.

ஆஃப்கானிஸ்தான்: ரஹ்முனுல்லா குர்பாஸ், இப்ராஹிம் ஸத்ரான் (கே), குல்பதின் நைப், அஸ்மத்துல்லா உமர்சாய், முகமது நாபி, நஜிபுல்லா ஸத்ரான், கரீம் ஜனத், ஷரபுதீன் அஷ்ரஃப், கைஸ் அஹ்மத், முகமது சலீம், ஃபரீத் அஹ்மத்.    

இந்தியா: யஷஸஸ்வி ஜெய்ஸ்வால், ரோஹித் சர்மா (கே), விராட் கோலி, ஷிவம் தூபே, சஞ்சு சாம்சன், ரிங்கு சிங், வாஷிங்டன் சுந்தர், ரவி பிஷ்னோய், முகேஷ் குமார், குல்தீப் யாதவ், அவேஷ் கான்.