ரோஹித் சர்மா தலைமையிலான இந்திய அணி டி20 உலக கோப்பையில் பங்கேற்பதற்கு முன்னதாக, ஆஸ்திரேலிய மற்றும் தென் ஆப்பிரிக்கா அணிகளுடன் தலா மூன்று போட்டிகள் கொண்ட டி20 தொடரில் விளையாட உள்ளது. 

இதில் இந்தியா - ஆஸ்திரேலிய அணிகளுக்கு இடையேயான மூன்று போட்டிகள் கொண்ட டி20 தொடரின் முதல் போட்டி இன்று மொஹாலியில் நடைபெறுகிறது. 

இப்போட்டியில் டாஸ் வென்றுள்ள ஆஸ்திரேலிய அணியின் கேப்டன் ஆரோன் ஃபிஞ்ச் முதலில் பந்துவீசுவதாக தீர்மானித்துள்ளார். இன்றைய போட்டிக்கான ஆஸ்திரேலிய அணியில் அறிமுக வீரராக டிம் டேவிட் சேர்க்கப்பட்டுள்ளார். 

அதேசமயம் இன்றைய போட்டிக்கான இந்திய அணியில் பும்ரா இடம்பெறவில்லை. அவருக்கு பதிலாக உமேஷ் யாதவ் அணியில் இடம்பிடித்துள்ளார். மேலும் தினேஷ் கார்த்திக்கிற்கு வாய்ப்பு வழங்கப்பட்டுள்ளது. 

இந்தியா: ரோஹித் சர்மா(கே), கேஎல் ராகுல், விராட் கோலி, சூர்யகுமார் யாதவ், ஹர்திக் பாண்டியா, தினேஷ் கார்த்திக், அக்ஸர் படேல், புவனேஷ்வர் குமார், ஹர்ஷல் படேல், உமேஷ் யாதவ், யுஸ்வேந்திர சாஹல்.

ஆஸ்திரேலியா: ஆரோன் பிஞ்ச்(கே), கேமரூன் கிரீன், ஸ்டீவன் ஸ்மித், கிளென் மேக்ஸ்வெல், ஜோஷ் இங்கிலிஸ், டிம் டேவிட், மேத்யூ வேட், பாட் கம்மின்ஸ், நாதன் எல்லிஸ், ஆடம் ஸாம்பா, ஜோஷ் ஹேசில்வுட்.