ஆஸ்திரேலிய மகளிர் அணி இந்தியாவில் சுற்றுப்பயணம் மேற்கொண்டு ஒரு டெஸ்ட், 3 ஒருநாள் மற்றும் 3 டி20 போட்டிகள் கொண்ட தொடரில் விளையாடி வருகிறது. இதில் இரு அணிகளுக்கு இடையேயான நடைபெற்ற டெஸ்ட் போட்டியில் அபார ஆட்டத்தை வெளிப்படுத்திய இந்திய மகளிர் அணி  8 விக்கெட் வித்தியாசத்தில் வெற்றிபெற்று அசத்தியது. 

இந்நிலையில் இரு அணிகளுக்கு இடையேயான ஒருநாள் தொடர் இன்று தொடங்கவுள்ளது. அதன்படி மும்பை வான்கடே மைதானத்தில் இரு அணிகளுக்கும் இடையேயான முதலாவது ஒருநாள் போட்டி நடைபெறவுள்ளது. இப்போட்டியில் டாஸ் வென்றுள்ள இந்திய அணி முதலில் பேட்டிங் செய்வதாக அறிவித்துள்ளது. 

இந்திய மகளிர் அணி: ஜெமிமா ரோட்ரிக்ஸ், ஷஃபாலி வர்மா, ஹர்மன்பிரீத் கவுர்(கே), தீப்தி ஷர்மா, யாஸ்திகா பாட்டியா, ஸ்நே ராணா, அமன்ஜோத் கவுர், ரிச்சா கோஷ், பூஜா வஸ்த்ரகர், ரேணுகா தாக்கூர் சிங், சைகா இஷாக்.

ஆஸ்திரேலிய மகளிர் அணி: அலிசா ஹீலி (கே), ஃபோப் லிட்ச்ஃபீல்ட், எல்லிஸ் பெர்ரி, பெத் மூனி, தஹிலா மெக்ராத், ஆஷ்லே கார்ட்னர், அனாபெல் சதர்லேண்ட், மேகன் ஷாட், ஜார்ஜியா வேர்ஹாம், அலனா கிங், டார்சி பிரௌன்.