ஐபிஎல் தொடரில் இன்று நடைபெறும் 45ஆவது லீக் ஆட்டத்தில் கொல்கத்தா நைட் ரைடர்ஸ் - பஞ்சாப் கிங்ஸ் அணிகள் பலப்பரீட்சை நடத்துகின்றன. 

இரு அணிகளுக்கு இது முக்கியமான போட்டி என்பதால் இப்போட்டியின் மீதான எதிர்பார்ப்பு அதிகரித்துள்ளது. இந்நிலையில் இப்போட்டியில் டாஸ் வென்ற பஞ்சாப் அணி முதலில் பந்துவீச தீர்மானித்துள்ளது. 

இன்றைய போட்டிக்கான கொல்கத்தா அணியில் லோக்கி ஃபர்குசன், சந்தீப் வாரியர் ஆகியோருக்கு பதிலாக டிம் செய்ஃபெர்ட், ஷிவம் மாவி ஆகியோர் இடம்பிடித்துள்ளனர். பஞ்சாப் அணி தரப்பில் மந்தீப் சிங், கிறிஸ் கெயில் ஆகியோருக்கு பதிலாக மயாங்க் அகர்வால், ஃபாபியன் ஆலன் ஆகியோர் சேர்க்கப்பட்டுள்ளனர்.

கொல்கத்தா நைட் ரைடர்ஸ் : சுப்மான் கில், வெங்கடேஷ் ஐயர், ராகுல் திரிபாதி, இயோன் மோர்கன் (கே), நிதிஷ் ராணா, தினேஷ் கார்த்திக், டிம் செய்ஃபெர்ட், சுனில் நரைன், சிவம் மாவி, டிம் சவுதி, வருண் சக்கரவர்த்தி.

பஞ்சாப் கிங்ஸ்: கேஎல் ராகுல் (கே), மயங்க் அகர்வால், ஐடன் மார்க்ரம், நிக்கோலஸ் பூரன், ஷாருக் கான், தீபக் ஹூடா, ஃபாபியன் ஆலன், நாதன் எல்லிஸ், முகமது ஷமி, ரவி பிஷ்னோய், அர்ஷ்தீப் சிங்.