ரசிகர்களின் பெரும் எதிர்பார்ப்புகளுக்கு மத்தியில் ஐபிஎல் தொடரின் 15ஆவது சீசன் மும்பை வான்கேடே மைதானத்தில் இன்று தொடங்கியது.

இன்று நடைபெறும் முதல் லீக் ஆட்டத்தில் நடப்பு சாம்பியன் சென்னை சூப்பர் கிங்ஸ் அணி, கொல்கத்தா நைட் ரைடர்ஸ் அணியை எதிர்கொள்கிறது.

இப்போட்டியில் டாஸ் வென்ற கொல்கத்தா நைட் ரைடர்ஸ் அணியின் கேப்டன் ஸ்ரேயாஸ் ஐயர் முதலில் பந்துவீச தீர்மானித்துள்ளார்.

இன்றைய போட்டிக்கான சிஎஸ்கே அணியில் டேவன் கான்வே, துஷர் தேஷ்பாண்டே, ஆடம் மில்னே ஆகியோர் அறிமுக வீரர்களாக களமிறங்குகின்றனர். 

அதேசமயம் கேகேஆர் அணியில் கேப்டன் ஸ்ரேயாஸ் ஐயர், சாம் பில்லிங்ஸ், அஜிங்கியா ரஹானே ஆகியோர் அறிமுக வீரர்களாக களமிறங்குகின்றனர்.

சிஎஸ்கே - ருதுராஜ் கெய்க்வாட், டேவோன் கான்வே, ராபின் உத்தப்பா, அம்பத்தி ராயுடு, எம்எஸ் தோனி, ரவீந்திர ஜடேஜா (கேப்டன்), ஷிவம் டுபே, டுவைன் பிராவோ, மிட்செல் சாண்ட்னர், ஆடம் மில்னே, துஷர் தேஷ்பாண்டே.

கேகேஆர் - வெங்கடேஷ் ஐயர், அஜிங்கியா ரஹானே, ஸ்ரெயாஸ் ஐயர் (கேப்டன்), நிதிஷ் ராணா, சாம் பில்லிங்ஸ், ஆண்ட்ரே ரஸ்ஸல், சுனில் நரைன், ஷெல்டன் ஜாக்சன், சிவம் மாவி, உமேஷ் யாதவ், வருண் சக்ரவர்த்தி.