ஐபிஎல் தொடரின் 16ஆவது சீசன் தற்போது இறுதிக்கட்டத்தை நெருங்கியுள்ளது. இதில் இன்று நடைபெறும் 51ஆவது லீக் ஆட்டத்தில் ஹர்திக் பாண்டியா தலைமையிலான குஜராத் டைட்டன்ஸ் அணியும், குர்னால் பாண்டியா தலைமையிலான லக்னோ சூப்பர் ஜெயண்ட்ஸ் அணியும் பலப்பரீட்சை நடத்துகின்றன. 

அகமதாபாத்திலுள்ள நரேந்திர மோடி கிரிக்கெட் மைதானத்தில் நடைபெறும் இப்போட்டியில் டாஸ் வென்றுள்ள லக்னொ சூப்பர் ஜெயண்ட்ஸ் அணியின் கேப்டன் குர்னால் பாண்டியா முதலில் பந்துவீச தீர்மானித்துள்ளார்.

இன்றைய போட்டிகான லக்னோ அணியில் குயிண்டன் டி காக் சேர்க்கப்பட்டுள்ளார். அதேசமயம் குஜராத் அணியில் அல்ஸாரி ஜோசப் சேர்க்கப்பட்டுள்ளார் .

குஜராத் டைட்டன்ஸ்: விருத்திமான் சாஹா, ஷுப்மான் கில், ஹர்திக் பாண்டியா(கே), விஜய் சங்கர், டேவிட் மில்லர், அபினவ் மனோகர், ராகுல் திவேத்தியா, ரஷித் கான், மோஹித் சர்மா, நூர் அகமது, முகமது ஷமி.

லக்னோ சூப்பர் ஜெயண்ட்ஸ்: குயின்டன் டி காக், கைல் மேயர்ஸ், தீபக் ஹூடா, கரண் ஷர்மா, குர்னால் பாண்டியா(கே), மார்கஸ் ஸ்டோய்னிஸ், ஸ்வப்னில் சிங், யாஷ் தாக்கூர், ரவி பிஷ்னோய், மொஹ்சின் கான், அவேஷ் கான் .