17ஆவது சீசன் ஐபிஎல் தொடரானது இறுதிக்கட்டத்தை நெருங்கியுள்ளது. மொத்தம் 10 அணிகள் பங்கேற்றுள்ள இத்தொடரின் பிளே அஃப் சுற்றுக்கான வாய்ப்பிலிருந்து மும்பை இந்தியன்ஸ் அணி மட்டுமே வெளியேறியுள்ள நிலையில், மீதமுள்ள 9 அணிகளுக்கும் இடையே கடும் போட்டி நிலவி வருகிறது. அந்தவகையில் இன்று நடைபெறும் முக்கியமான லீக் போட்டியில் பஞ்சாப் கிங்ஸ் மற்றும் ராயல் சேலஞ்சர்ஸ் பெங்களூரு அணிகள் பலப்பரீட்சை நடத்தவுள்ளன. 

தரம்சாலாவில் உள்ள ஹிமாச்சல பிரதேசம் கிரிக்கெட் சங்க மைதானத்தில் நடைபெறும் இப்போட்டியில் டாஸ் வென்றுள்ள பஞ்சாப் கிங்ஸ் அணி முதலில் பந்துவீசுவதாக அறிவித்துள்ளது. இன்றைய போட்டிக்கான ஆர்சிபி அணியில் கிளென் மேக்ஸ்வெல்லிற்கு பதிலாக லோக்கி ஃபர்குசன் சேர்க்கப்பட்டுள்ளார். அதேசமயம் பஞ்சாப் கிங்ஸ் அணியில் காகிசோ ரபாடா நீக்கப்பட்டு லியாம் லிவிங்ஸ்டோன் சேர்க்கப்பட்டுள்ளார்.

ராயல் சேலஞ்சர்ஸ் பெங்களூரு: விராட் கோலி, ஃபாஃப் டு பிளெசிஸ்(கே), வில் ஜாக்ஸ், ராஜத் பட்டிதார், மஹிபால் லோம்ரோர், கேமரூன் கிரீன், தினேஷ் கார்த்திக், ஸ்வப்னில் சிங், கர்ன் சர்மா, முகமது சிராஜ், லோக்கி ஃபெர்குசன்

பஞ்சாப் கிங்ஸ்: ஜானி பேர்ஸ்டோவ், பிரப்சிம்ரன் சிங், ரைலீ ரூஸோவ், லியாம் லிவிங்ஸ்டோன், ஷஷாங்க் சிங், சாம் கரண்(கே), அஷுதோஷ் சர்மா, ஹர்ஷல் படேல், ராகுல் சஹார், அர்ஷ்தீப் சிங், வித்வத் கவேரப்பா.