பாகிஸ்தான் சூப்பர் லீக் (பிஎஸ்எல்) தொடரின் 9ஆவது சீசன் விறுவிறுப்பாக நடைபெற்று வருகிறது. இதில் நாளை நடைபெறும் 10ஆவது லீக் ஆட்டத்தில் ஷாஹின் அஃப்ரிடி தலைமையிலான லாகூர் கலந்தர்ஸ் அணியை எதிர்த்து ஷான் மசூத் தலைமையிலான கராச்சி கிங்ஸ் அணி விளையாடவுள்ளது. நடப்பு பிஎஸ்எல் தொடரில் லாகூர் கலந்த்ர்ஸ் அணி விளையாடிய மூன்று போட்டிகளிலும் தோல்வியைத் தழுவி புள்ளிப்பட்டியளில் 5ஆம் இடத்தில் உள்ளது. அதேசமயம் கராச்சி கிங்ஸ் அணி விளையாடிய இரண்டு போட்டிகளிலும் ஒரு வெற்றி, ஒரு தோல்வி என புள்ளிப்பட்டியளின் 4ஆம் இடத்தில் நீடித்து வருகிறது. இதனால் இப்போட்டியில் வெற்றிபெற்று இந்த சீசனில் முதல் வெற்றியைப் பதிவுசெய்ய லாகூர் கலந்தர்ஸ் அணி போராடும் என்பதால் இப்போட்டியின் மீதான எதிர்பார்ப்பும் அதிகரித்துள்ளது.