வங்கதேச கிரிக்கெட் அணி நியூசிலாந்தில் சுற்றுப்பயணம் மேற்கொண்டு 3 ஒருநாள் மற்றும் 3 டி20 போட்டிகள் கொண்ட தொடரில் பங்கேற்று விளையாடி வருகிறது. இதில் முதலில் நடைபெற்ற ஒருநாள் தொடரை நியூசிலாந்து அணி 2-1 என்ற கணக்கில் கைப்பற்றியது. இதையடுத்து நடைபெற்ற டி20 தொடரின் முதல் போட்டியில் வங்கதேச அணி அபார வெற்றியைப் பதிவுசெய்து 1-0 என்ற கணக்கில் தொடரில் முன்னிலை வகிக்கிறது. 

இந்நிலையில் இரு அணிகளுக்கும் இடையேயான இரண்டாவது டி20 போட்டி இன்று மவுண்ட் மௌங்கனுய் மைதானத்தில் நடைபெறுகிறது. இப்போட்டியில் டாஸ் வென்றுள்ள வங்கதேச அணி முதலில் பந்துவீசுவதாக ஆறிவித்துள்ளது. 

இதில் வலிமை வாய்ந்த நியூசிலாந்து அணியை அதன் சொந்த மண்ணில் வீழ்த்தி உத்வேகத்துடன் வங்கதேச அணி இப்போட்டியை எதிர்கொள்ளவுள்ளது. அதேசமயம் கடந்த போட்டியில் ஏற்பட்ட தோல்விக்கு பதிலடி கொடுக்கும் முனைப்பில் நியூசிலாந்து அணி விளையாடும் என்பதால் இப்போட்டியின் மீதான எதிர்பார்ப்பும் அதிகரித்துள்ளது.

நியூசிலாந்து: ஃபின் ஆலன், டிம் செய்ஃபெர்ட், டேரில் மிட்செல், கிளென் பிலிப்ஸ், மார்க் சாப்மேன், ஜேம்ஸ் நீஷம், மிட்செல் சான்ட்னர்(கே), ஆடம் மில்னே, டிம் சவுத்தி, இஷ் சோதி, பென் சியர்ஸ்

வங்கதேசம்: சௌமியா சர்க்கார், ரோனி தாலுக்தார், நஜ்முல் ஹொசைன் சாண்டோ(கே), ஷமிம் ஹொசைன், தவ்ஹித் ஹ்ரிடோய், அஃபிஃப் ஹொசைன், மஹேதி ஹசன், தன்சிம் ஹசன் சாகிப், ஷோரிஃபுல் இஸ்லாம், ரிஷாத் ஹொசைன், முஸ்தஃபிசூர் ரஹ்மான்.