பாகிஸ்தானில் சுற்றுப்பயணம் மேற்கொண்டுள்ள வங்கதேச அணியானது இரண்டு போட்டிகள் கொண்ட டெஸ்ட் தொடரில் விளையாடவுள்ளது. இதில் இவ்விரு அணிகளுக்கும் இடையேயான முதலாவது டெஸ்ட் போட்டியானது இன்று ராவல்பிண்டி கிரிக்கெட் மைதானத்தில் நடைபெறவுள்ளது. இப்போட்டியில் டாஸ் வென்ற வங்கதேச அணி கேப்டன் நஜ்முல் ஹொசைன் சாண்டோ முதலில் பந்துவீசுவதாக அறிவித்துள்ளார்.
இப்போட்டிக்கான பாகிஸ்தான் அணி நேற்றைய தினமே அறிவிக்கப்பட்ட நிலையில், வங்கதேச அணியின் பிளேயிங் லெவனும் இன்றைய தினம் அறிவிக்கப்பட்டது. இரு அணிகளும் தங்கள் வேகப்பந்து வீச்சாளர்களை முன்னிலைப்படுத்தி பிளேயிங் லெவனை தேர்வு செய்துள்ளனர். இவ்விரு அணிகளிலும் திறமையான வீரர்கள் இடம்பிடித்துள்ளதால் இப்போட்டியில் எந்த அணி வெற்றிபெற்று தொடரில் முன்னிலைப் பெறும் என்ற எதிர்பார்ப்புகள் ரசிகர்கள் மத்தியில் அதிகரித்துள்ளன.
பாகிஸ்தான்: அப்துல்லா ஷஃபிக், சைம் அயூப், ஷான் மசூத் (கே), பாபர் ஆசாம், சௌத் ஷகீல், முகமது ரிஸ்வான், சல்மான் அலி ஆகா, ஷஹீன் அஃப்ரிடி, நசீம் ஷா, முகமது அலி, குர்ரம் ஷஸாத்.
வங்கதேசம்: நஜ்முல் ஹொசைன் சாண்டோ(கே), ஷத்மான் இஸ்லாம், ஜாகிர் ஹசன், மொமினுல் ஹக், முஷ்ஃபிக்கூர் ரஹீம், ஷாகிப் அல் ஹசன், லிட்டன் தாஸ், மெஹிதி ஹசன் மிராஸ், ஷோரிஃபுல் இஸ்லாம், ஹசன் மஹ்மூத், நஹித் ராணா.
