இங்கிலாந்து கிரிக்கெட் அணி கடைசியாக கடந்த 2005ஆம் ஆண்டு பாகிஸ்தான் மண்ணில் டெஸ்ட் தொடரில் விளையாடியது. அதன்பின் தற்போது 17 ஆண்டுகளுக்குப் பிறகு மீண்டும் பாகிஸ்தானுடன் அதன் சொந்த மண்ணில் டெஸ்ட் தொடரில் விளையாட உள்ளது. 3 போட்டிகள் கொண்ட டெஸ்ட் தொடரில் பங்கேற்கும் இங்கிலாந்து வீரர்கள் கடந்த சில தினங்களுக்கு முன்னார் இஸ்லமாபாத் வந்தடைந்தனர்.
இந்நிலையில் இரு அணிக்களுக்கும் இடையேயான முதல் டெஸ்ட் போட்டி இன்று தொடங்க இருந்த நிலையில், இங்கிலாந்து அணியின் கேப்டன் பென் ஸ்டோக்ஸ் உள்பட 14 வீரர்கள் வைரஸ் தொற்றால் பாதிக்கப்பட்டுள்ளதாக தகவல் வெளியாகியானது. இதனால் இப்போட்டி திட்டமிட்டபடி நடைபெறுமா என்ற சந்தேகமும் எழுந்தது.
ஆனால் திட்டமிட்டப்படி இரு அணிகளுக்கும் இடையேயான முதல் டெஸ்ட் போட்டி ராவல்பிண்டியில் இன்று நடைபெறுகிறது. இப்போட்டியில் டாஸ் வென்றுள்ள இங்கிலாந்து அணியின் கேப்டன் பென் ஸ்டோக்ஸ் முதலில் பேட்டிங் செய்வதாக அறிவித்துள்ளார்.
இங்கிலாந்து: ஜாக் கிரௌலி, பென் டக்கெட், ஒல்லி போப், ஜோ ரூட், ஹாரி புரூக், பென் ஸ்டோக்ஸ்(கே), லியாம் லிவிங்ஸ்டோன், வில் ஜாக்ஸ், ஜாக் லீச், ஒல்லி ராபின்சன், ஜேம்ஸ் ஆண்டர்சன்.
பாகிஸ்தான்: அப்துல்லா ஷபீக், இமாம்-உல்-ஹக், அசார் அலி, பாபர் அசாம்(கே), சவுத் ஷகீல், முகமது ரிஸ்வான், ஆகா சல்மான், நசீம் ஷா, ஹாரிஸ் ரவுஃப், முகமது அலி, ஜாஹித் மஹ்மூத்.
