17ஆவது சீசன் ஐபிஎல் தொடரானது நாளுக்கு நாள் ரசிகர்களின் எதிர்பார்ப்புகளை பூர்த்தி செய்துவருகிறது. அந்த வகையில் இத்தொடரில் நாளை நடைபெறும் லீக் போட்டியில் ஃபாஃப் டூ பிளெசிஸ் தலைமையிலான ராயல் சேலஞ்சர்ஸ் பெங்களூரு அணியை எதிர்த்து பாட் கம்மின்ஸ் தலைமையிலான சன்ரைசர்ஸ் ஹைதராபாத் அணி பலப்பரீட்சை நடத்தவுள்ளது. இதில் சன்ரைசர்ஸ் ஹைதராபாத் அணி இதுவரை விளையாடியுள்ள 5 போட்டிகளில் 3 வெற்றி, 2 தோல்விகளைச் சந்தித்து புள்ளிப்பட்டியலின் நான்காம் இடத்தில் உள்ளது. அதேசமயம் ஆர்சிபி அணியானது விளையாடிய 6 போட்டிகளில் 5 தோல்வி, ஒரு வெற்றி என புள்ளிப்பட்டியலின் கடைசி இடத்தில் தொடர்கிறது. மேலும் இனிவரும் போட்டிகளில் ஆர்சிபி அணி வென்றால் மட்டுமே பிளே ஆஃப் சுற்றுக்கான வாய்ப்பில் நீடிக்கும் என்பதால் இப்போட்டியின் மீதான எதிர்பார்ப்புகளும் அதிகரித்துள்ளன.