ஐபிஎல் தொடரைப் போன்றே தென்ஆப்பிரிக்க கிரிக்கெட் வாரியம் சார்பில் அந்த நாட்டில் டி20 கிரிக்கெட் போட்டி முதல்முறையாக நடத்தப்படுகிறது. இத்தொடர் இன்று தொடங்கி அடுத்த மாதம் 11ஆம் தேதி வரை நடக்கிறது. 

அதன்படி இன்று நடைபெறும் முதல் போட்டியில் ரஷித் கான் தலைமையிலான எம் ஐ கேப்டவுன் அணி டேவிட் மில்லர் தலைமையிலான பார்ல் ராயல்ஸ் அணியை எதிர்கொள்கிறது. இப்போட்டியில் டாஸ் வென்றுள்ள எம் எஸ் கேப்டவுன் அணி முதலில் பந்துவீசுவதாக தீர்மானித்துள்ளது. 

மேலும் இன்றைய போட்டிக்கான எம் ஐ கேப்டவுன் அணியில் நட்சத்திர வீரர் ஜோஃப்ரா ஆர்ச்சர் களமிறங்கவுள்ளார். முன்னதாக இவர் கடந்த் 2021ஆம் ஆண்டு ஜூலை மாதம் கிரிக்கெட் போட்டிகளில் விளையாடினார் என்பது குறிப்பிடத்தக்கது. 

பார்ல் ராயல்ஸ்: ஜேசன் ராய், ஜோஸ் பட்லர், விஹான் லுபே, இயோன் மோர்கன், டேவிட் மில்லர்(கே), டேன் விலாஸ், ஃபெரிஸ்கோ ஆடம்ஸ், ஜார்ன் ஃபோர்டுயின், ரமோன் சிம்மண்ட்ஸ், கோடி யூசுப், தப்ரைஸ் ஷம்சி

எம் ஐ கேப் டவுன்: ரஸ்ஸி வான் டெர் டுசென், கிராண்ட் ரோலோஃப்சென், டெவால்ட் ப்ரீவிஸ், ரியான் ரிக்கல்டன், டெலானோ போட்ஜிட்டர், ஜார்ஜ் லிண்டே, சாம் குர்ரன், ரஷித் கான்(கே), டுவான் ஜான்சன், ஒல்லி ஸ்டோன், ஜோஃப்ரா ஆர்ச்சர்.