இந்தியாவில் வரும் அக்டோபர் 5ஆம் தேதி தொடங்க இருக்கும் 13ஆவது ஒருநாள் கிரிக்கெட் உலகக் கோப்பை தொடருக்கு தயாராகும் விதமாக, உலகக் கோப்பையில் பங்கேற்கும் அனைத்து அணிகளும் அதற்கான முன் தயாரிப்புகளில் மும்மரமாக ஈடுபட்டு வருகின்றன.

அந்த வகையில் ஆஸ்திரேலியா அணி தென் ஆப்பிரிக்காவுக்கு சுற்றுப்பயணம் செய்து 3 டி20 மற்றும் 5 ஒருநாள் போட்டிகள் கொண்ட தொடரில் விளையாடுகிறது. இதில் இரு அணிகளுக்கும் இடையேயான முதலாவது டி20 போட்டி டர்பனில் இன்று தொடங்குகிறது. 

இப்போட்டியில் டாஸ் வென்றுள்ள தென் ஆப்பிரிக்க அணியின் கேப்டன் ஐடன் மார்க்ரம் முதலில் பந்துவீசுவதாக அறிவித்துள்ளார். இன்றைய போட்டிக்கான ஆஸ்திரேலிய அணியில் மேட் ஷார்ட், ஆரோன் ஹார்டி, ஸ்பென்ஸர் ஜான்சன் உள்ளிட்டோர் அறிமுக வீரர்களாக சேர்க்கப்பட்டுள்ளனர். அதேபோல் தென் ஆப்பிரிக்க அணியில் ஜெரால்ட் கோட்ஸி, டெவால்ட் பிரீவிஸ் ஆகியோர் அறிமுகமாகியுள்ளனர்.

ஆஸ்திரேலியா: மேத்யூ ஷார்ட், டிராவிஸ் ஹெட், மிட்செல் மார்ஷ் (கேப்டன்), ஜோஷ் இங்கிலிஸ், மார்கஸ் ஸ்டோனிஸ், டிம் டேவிட், ஆரோன் ஹார்டி, சீன் அபோட், நாதன் எல்லிஸ், தன்வீர் சங்கா, ஸ்பென்சர் ஜான்சன்

தென் ஆப்பிரிக்கா: டெம்பா பவுமா, ரீசா ஹென்ட்ரிக்ஸ், ரஸ்ஸி வான் டெர் டுசென், ஐடன் மார்க்ரம்(சி), டெவால்ட் ப்ரெவிஸ், டிரிஸ்டன் ஸ்டப்ஸ்(வ), மார்கோ ஜான்சன், ஜெரால்ட் கோட்ஸி, லுங்கி என்கிடி, லிசாட் வில்லியம்ஸ், தப்ரைஸ் ஷம்சி