இந்தியா - தென்னாப்பிரிக்கா இடையேயான  3 டெஸ்ட் போட்டிகள் கொண்ட தொடரை 2-1 என தென் ஆப்பிரிக்கா வென்றது. அடுத்ததாக 3 ஒருநாள் போட்டிகள் கொண்ட தொடர் நடக்கிறது. ஜனவரி 19, 21, 23 ஆகிய தேதிகளில் 3 ஒருநாள் போட்டிகள் நடக்கின்றன.

இதில் இரு அணிகளுக்கும் இடையேயான முதல் ஒருநாள் போட்டி பார்லில் இன்று நடைபெறுகிறது. இப்போட்டியில் இந்திய அணியின் கேப்டனாக கேஎல் ராகுல் முதல் முதலாக விளையாடுகிறார்.

இப்போட்டியில் டாஸ் வென்றுள்ள தென் ஆப்பிரிக்க அணியின் கேப்டன் டெம்பா பவுமா முதலில் பேட்டிங் செய்ய தீர்மானித்துள்ளார்.

இன்றைய போட்டிக்கான இந்திய அணியில் வெங்கடேஷ் ஐயர் அறிமுக வீரராக களமிறங்குகிறார். மேலும் ரவிச்சந்திரன் அஸ்வின், ஷிகர் தவான், புவனேஷ்வர் குமார் ஆகியோரும் இந்திய அணியில் இடம்பிடித்துள்ளனர்.

தென் ஆப்பிரிக்கா : குயின்டன் டி காக், ஜென்னெமன் மலான், ஐடன் மார்க்ரம், ரஸ்ஸி வான் டெர் டுசென், டெம்பா பவுமா(கே), டேவிட் மில்லர், ஆண்டிலே பெஹ்லுக்வாயோ, மார்கோ ஜான்சன், கேசவ் மகாராஜ், தப்ரைஸ் ஷம்சி, லுங்கி இங்கிடி

இந்தியா: கேஎல் ராகுல் (கே), ஷிகர் தவான், விராட் கோலி,ஸ்ரேயாஸ் ஐயர், ரிஷப் பந்த், வெங்கடேஷ் ஐயர், ஷர்துல் தாக்கூர், ரவிச்சந்திரன் அஸ்வின், புவனேஷ்வர் குமார், ஜஸ்பிரித் பும்ரா, யுஸ்வேந்திர சாஹல்.