தென் ஆப்பிரிக்காவில் சுற்றுப் பயணம் செய்ய உள்ள இந்திய கிரிக்கெட் அணி, 3 டி20, 3 ஒருநாள் போட்டி, 2 டெஸ்ட் போட்டிகளில் விளையாட உள்ளது. இதில் இரு அணிகளுக்கும் இடையேயான டி20 தொடரின் முதலாவது போட்டி டர்பனில் நேற்று முந்தினம் நடைபெற இருந்தது. ஆனால் தொடர் மழை காரணமாக இப்போட்டி டாஸ் போடப்படாமலேயே முழுவதுமாக கைவிடப்பட்டது.

இந்நிலையில் இரு அணிகளுக்கும் இடையேயான் இரண்டாவது டி20 போட்டி இன்று க்கெபர்ஹாவிலுள்ள செயிண்ட் ஜார்ஜ் பார்க் மைதானத்தில் நடைபெறவுள்ளது. இப்போட்டியில் டாஸ் வென்றுள்ள தென் ஆப்பிரிக்க அணி கேப்டன் ஐடன் மார்க்ரம் முதலில் பந்துவீசுவதாக அறிவித்துள்ளார். 

இன்றைய போட்டிக்கான இந்திய அணியில் ருதுராஜ் கெய்க்வாட், இஷான் கிஷான், ரவி பிஷ்னோய் ஆகியோர் நீக்கப்பட்டு ஷுப்மன் கில், ஜித்தேஷ் சர்மா, குல்தீப் யாதவ் இணை அணியில் சேர்க்கப்பட்டுள்ளனர்.

இந்தியா: யஷஸ்வி ஜெய்ஸ்வால், ஷுப்மன் கில், திலக் வர்மா, சூர்யகுமார் யாதவ்(கே), ரின்கு சிங், ஜிதேஷ் சர்மா, ரவீந்திர ஜடேஜா, குல்தீப் யாதவ், முகமது சிராஜ், அர்ஷ்தீப் சிங், முகேஷ் குமார்

தென் ஆப்பிரிக்கா: மேத்யூ ப்ரீட்ஸ்கீ, ரீசா ஹென்ட்ரிக்ஸ், ஐடன் மார்க்ரம்(கே), ஹென்ரிச் கிளாசென், டேவிட் மில்லர், டிரிஸ்டன் ஸ்டப்ஸ், மார்கோ ஜான்சென், அண்டில் பெஹ்லுக்வாயோ, ஜெரால்ட் கோட்ஸி, லிசாட் வில்லியம்ஸ், தப்ரைஸ் ஷம்சி.