தென் ஆப்பிரிக்க அணி தற்சமயம் பாகிஸ்தான் அணிக்கு எதிராக மூன்று வடிவிலான கிரிக்கெட் தொடர்களிலும் விளையாடி வருகிறது. இதில் நடந்து முடிந்துள்ள டி20 தொடரை தென் ஆப்பிரிக்க அணி 2-0 என்ற கணக்கில் பாகிஸ்தானை வீழ்த்தி வென்றுள்ள நிலையில், ஒருநாள் கிரிக்கெட் தொடரில் பாகிஸ்தான் அணி 3-0 என்ற கணக்கில் தென் ஆப்பிரிக்காவை வீழ்த்தி அந்த அணியை சொந்த மண்ணிலேயே ஒயிட்வாஷ் செய்தும் அசத்தியது.

இதையடுத்து தென் ஆப்பிரிக்கா - பாகிஸ்தான் அணிகளுக்கு இடையேயான இரண்டு போட்டிகள் கொண்ட டெஸ்ட் தொடரானது இன்று (டிசம்பர் 26) செஞ்சூரியனில் தொடங்கியது. அதன்படி இவ்விரு அணிகளுக்கும் இடையேயான முதல் டெஸ்ட் போட்டி பாக்ஸிங் டே டெஸ்ட்டாக நடைபெறவுள்ளது. இப்போட்டியில் டாஸ் வென்ற தென் ஆப்பிரிக்க அணி முதலில் பந்துவீசுவதாக அறிவித்து பாகிஸ்தானை பேட்டிங் செய்ய அழைத்துள்ளது. 

இப்போட்டிக்கான தென் ஆப்பிரிக்க அணியில் அறிமுக வீரர் கார்பின் போஷ் பிளேயிங் லெவனில் இடம் பிடித்துள்ளார். இத்தொடரில் தென் ஆப்பிரிக்க அணி ஒரு போட்டியில் வெற்றி பெற்றால் கூட உலக டெஸ்ட் சாம்பியன்ஷிப் தொடரின் இறுதிப்போட்டிக்கு முன்னேறும். இதன் காரணமாகவே இப்போட்டியில் எந்த அணி வெற்றி பெறும் என்ற எதிர்பார்ப்புக்ள் ரசிகர்கள் மத்தியில் அதிகரித்துள்ளது.

தென் ஆப்பிரிக்க பிளேயிங் லெவன்: டோனி டி ஸோர்ஸி, ஐடன் மார்க்ரம், ரியான் ரிக்கெல்டன், டிரிஸ்டன் ஸ்டப்ஸ், டெம்பா பவுமா (கேப்டன்), டேவிட் பெட்டிங்ஹாம், கைல் வெர்ரைன், மார்கோ ஜான்சன், டேன் பேட்டர்சன், ககிசோ ரபாடா, கார்பின் போஷ்.

பாகிஸ்தான் பிளேயிங் லெவன்: ஷான் மசூத் (கேப்டன்), சைம் அயூப், பாபர் ஆசாம், காம்ரன் குலாம், முகமது ரிஸ்வன், சல்மான் அலி ஆகா, சௌத் ஷகீல், அமீர் ஜமால், நசீம் ஷா, குர்ராம் ஷஷாத், முகமது அப்பாஸ்.