தென் ஆப்பிரிக்க அணி இலங்கை அணிக்கு எதிராக சொந்த மண்ணில் நடைபெறும் இரண்டு போட்டிகள் கொண்ட டெஸ்ட் தொடரில் விளையாடவுள்ளது. அந்தவகையில் தென் ஆப்பிரிக்கா - இலங்கை அணிகளுக்கு இடையேயான முதல் டெஸ்ட் போட்டி இன்று (நவம்பர் 27) டர்பனில் உள்ள கிங்ஸ்மீத் கிரிக்கெட் மைதானத்தில் நடைபெறவுள்ளது. 

இந்நிலையில் இப்போட்டியில் டாஸ் வென்றுள்ள இலங்கை அணி முதலில் பந்துவீசுவதாக அறிவித்துள்ளது. இப்போட்டிக்கான தென் ஆப்பிரிக்க அணியின் பிளேயிங் லெவன் நேற்று அறிவிக்கப்பட்ட நிலையில், டெம்பா பவுமா, ஜெரால்ட் கோட்ஸி, மார்கோ ஜான்சன் உள்ளிட்டோர் காயத்தில் இருந்து மீண்டு தற்போது பிளேயிங் லெவனிலும் இடம்பிடித்துள்ளனர். அதிலும் குறிப்பாக டெம்பா பவுமா மீண்டும் கேப்டனாக நியமிக்கப்பட்டுள்ளார். 

அதேசமயம் மறுபக்கம் தனஞ்செயா டி சில்வா தலைமையிலான இலங்கை அணியில் பதும் நிஷங்கா, கமிந்து மெண்டிஸ், தனஞ்செயா டி சில்வா, ஏஞ்சலோ மேத்யூஸ், தினேஷ் சண்டிமால் உள்ளிட்ட நட்சத்திர வீரர்கள் இடம்பிடித்துள்ளதால் இப்போட்டியில் எந்த அணி வெற்றிபெற்று தொடரில் முன்னிலைப் பெறும் என்ற எதிர்பார்ப்புகள் அதிகரித்துள்ளன. 

இலங்கை பிளேயிங் லெவன்: பதும் நிஷங்க, திமுத் கருணாரத்னே, தினேஷ் சண்டிமால், குசல் மெண்டிஸ், ஏஞ்சலோ மேத்யூஸ், கமிந்து மெண்டிஸ், தனஞ்சய டி சில்வா(கே), பிரபாத் ஜெயசூர்யா, லஹிரு குமார, அசித்த ஃபெர்னாண்டோ, விஷ்வா ஃபெர்னாண்டோ

தென் ஆப்பிரிக்கா பிளேயிங் லெவன்: டோனி டி ஸோர்ஸி, ஐடன் மார்க்ரம், டிரிஸ்டன் ஸ்டப்ஸ், டெம்பா பவுமா(கே), டேவிட் பெடிங்காம், கைல் வெர்ரேய்ன், வியான் முல்டர், மார்கோ ஜான்சன், ஜெரால்ட் கோட்ஸி, கேசவ் மகாராஜ், ககிசோ ரபாடா.