தென் ஆப்பிரிக்காவில் நடைபெற்று வரும் எஸ்ஏ20 லீக் தொடரின் மூன்றாவது சீசன் விறுவிறுப்பாக நடைபெற்று வருகிறது. இதில் இன்று நடைபெறும் 23ஆவது லீக் ஆட்டத்தில் பார்ல் ராயல்ஸ் மற்றும் டர்பன் சூப்பர் ஜெயண்ட்ஸ் அணிகள் பலப்பரீட்சை நடத்தவுள்ளன. அதன்படி பார்லில் உள்ள போலண்ட் பார்க் கிரிக்கெட் மைதானத்தில் நடைபெறும் இப்போட்டியில் டாஸ் வென்ற டர்பன் சூப்பர் ஜெயண்ட்ஸ் அணி முதலில் பேட்டிங் செய்வதாக அறிவித்துள்ளது.

நடப்பு எஸ்ஏ20 லீக் தொடரில் டேவிட் மில்லர் தலைமையிலான பார்ல் ராயல்ஸ் அணி அடுத்தடுத்து வெற்றிகளைக் குவித்து பிளே ஆஃப் சுற்றுக்கான வாய்ப்பையும் உறுதிய்செய்துள்ளது. மறுபக்கம் கேசவ் மஹாராஜ் தலைமையிலான சூப்பர் ஜெயன்ட்ஸ் அணி இந்த சீசனில் ஒரே ஒரு வெற்றியை மட்டுமே பதிவுசெய்து பிளே ஆஃப் சுற்றுக்கான வாய்ப்பை ஏறத்தாழ இழந்துள்ளது. இதனால் இப்போட்டியில் சூப்பர் ஜெயண்ட்ஸ் அணி வெற்றி பெற்று ஆறுதலை தேடுமா என்ற எதிர்பார்ப்பு அதிகரித்துள்ளது. 

பார்ல் ராயல்ஸ் பிளேயிங் லெவன்: லுவான்ட்ரே பிரிட்டோரியஸ், ஜோ ரூட், ரூபின் ஹெர்மன், மிட்செல் வான் புரன், டேவிட் மில்லர் (கேப்டன்), தினேஷ் கார்த்திக், துனித் வெல்லாலகே, தயான் கலீம், பிஜோர்ன் ஃபோர்டுயின், முஜீப் உர் ரஹ்மான், குவேனா மபாகா.

டர்பன் சூப்பர் ஜெயண்ட்ஸ் பிளேயிங் லெவன்: குயின்டன் டி காக், பிரைஸ் பார்சன்ஸ், பிராண்டன் கிங், கேன் வில்லியம்சன், மார்கஸ் ஸ்டோய்னிஸ், ஹென்ரிச் கிளாசென், ஜேஜே ஸ்மட்ஸ், வியான் முல்டர், கேஷவ் மகாராஜ் (கே), நூர் அகமது, பிரெனலன் சுப்ராயென்.