தென் ஆப்பிரிக்காவில் நடைபெற்று வரும் எஸ்ஏ20 லீக் தொடரின் மூன்றாவது சீசன் விறுவிறுப்பாக நடைபெற்று வருகிறது. இதில் இன்று நடைபெறும் 6ஆவது லீக் ஆட்டத்தில் மும்பை இந்தியன்ஸ் கேப்டவுன் மற்றும் பார்ல் ராயல்ஸ் அணிகள் பலப்பரீட்சை நடத்தவுள்ளன. இவ்விரு அணிகளுக்கும் இடையேயான இப்போட்டி கேப்டவுனில் உள்ள நியூலேண்ட்ஸ் கிரிக்கெட் மைதானத்தில் நடைபெறவுள்ளது.

இப்போட்டியில் டாஸ் வென்றுள்ள மும்பை இந்தியன்ஸ் கேப்டவுன் அணி முதலில் பேட்டிங் செய்வதாக அறிவித்துள்ளது. இப்போட்டிக்கான கேப்டவுன் அணியில் கானர் எஸ்டெர்ஹுய்செனுக்கு பதிலாக அதிரடி வீரர் ரியான் ரிக்கெல்டன் பிளேயிங் லெவனில் சேர்க்கப்பட்டுள்ளார். அதேசமயம் பார்ல் ராயல்ஸ் அணியில் எந்தவொரு மாற்றமும் செய்யப்படாமல் அதே லெவனுடன் விளையாடுகிறது. 

இத்தொடரில் கேப்டவுன் அணி விளையாடிய இரண்டு போட்டிகளில் ஒரு வெற்றி ஒரு தோல்வி என 5 புள்ளிகளுடன் புள்ளிப்பட்டியலின் இரண்டாம் இடத்தில் உள்ளது. அதேசமயம் பார்ல் ராயல்ஸ் அணி விளையாடிய முதல் போட்டியிலேயே அதிரடியான ஆட்டத்தை வெளிப்படுத்தி வெற்றியைப் பதிவுசெய்து அசத்தியுள்ளது. மேற்கொண்டு இரு அணியிலும் நட்சத்திர வீரர்கள் இடம்பிடித்துள்ளதால் இப்போட்டி மீதான எதிர்பார்ப்புகளும் அதிகரித்துள்ளது.

மும்பை இந்தியன்ஸ் கேப்டவுன்: ரஸ்ஸி வான் டெர் டஸ்ஸன், ரீசா ஹென்ட்ரிக்ஸ், ரியான் ரிக்கெல்டன், காலின் இங்க்ராம், டெவால்ட் பிரீவிஸ், ஜார்ஜ் லிண்டே, அஸ்மதுல்லா உமர்சாய், ரஷீத் கான் (கேப்டன்), டெலானோ போட்ஜீட்டர், காகிசோ ரபாடா, டிரென்ட் போல்ட்

பார்ல் ராயல்ஸ் : ஜோ ரூட், லுவான்-ட்ரே பிரிட்டோரியஸ், சாம் ஹெய்ன், மிட்செல் வான் பியூரன், டேவிட் மில்லர் (கேப்டன்), தினேஷ் கார்த்திக், தயான் காலிம், பிஜோர்ன் ஃபோர்டுயின், முஜீப் உர் ரஹ்மான், குவேனா மபாகா, லுங்கி இங்கிடி.