தென் ஆப்பிரிக்காவில் நடைபெற்று வரும் எஸ்ஏ20 லீக் தொடரின் மூன்றாவது சீசன் இறுதிக்கட்டத்தை எட்டியுள்ளது. இதில் இன்று நடைபெறும் 27ஆவது லீக் ஆட்டத்தில் பிரிட்டோரியா கேப்பிட்டல்ஸ் மற்றும் எம்ஐ கேப்டவுன் அணிகள் பலப்பரீட்சை நடத்தவுள்ளன. செஞ்சூரியனில் உள்ள சூப்பர்ஸ்போர்ட் பார்க் கிரிக்கெட் மைதானத்தில் நடைபெறும் இப்போட்டியில் டாஸ் வென்ற பிரிட்டோரியா கேப்பிட்டல்ஸ் அணி முதலில் பந்துவீசுவதாக அறிவித்துள்ளது. 

இத்தொடரில் எம்ஐ கேப்டவுன் அணி ஏற்கெனவே பிளே ஆஃப் சுற்றுக்கு முன்னேறியுள்ள நிலையில், பிரிட்டோரியா கேப்பிட்டல்ஸ் அணி இனிவரும் அனைத்து போட்டிகளிலும் வெற்றிபெற்றால் மட்டுமே பிளே ஆஃப் சுற்றுக்கான வாய்ப்பு குறித்து யோசிக்க முடியும் என்ற நிலைக்கு தள்ளப்பட்டுள்ளது. இதனால் இப்போட்டியில் எந்த அணி வெற்றிபெறும் என்ற எதிர்பார்ப்புகள் அதிகரித்துள்ளன. 

எம்ஐ கேப் டவுன்: ரஸ்ஸி வான் டெர் டஸ்ஸன், ரியான் ரிக்கல்டன், ரீசா ஹென்ட்ரிக்ஸ், கோலின் இங்க்ராம், டெவால்ட் பிரெவிஸ், கார்பின் போஷ், டெலானோ போட்ஜீட்டர், ரஷீத் கான்(கேப்டன்), அஸ்மத்துல்லா ஒமர்சாய், டிரென்ட் போல்ட், மேத்யூ பாட்ஸ்

பிரிட்டோரியா கேபிடல்ஸ்: வில் ஜாக்ஸ், ஸ்டீவ் ஸ்டோல்க், வில் ஸ்மீட், கைல் வெர்ரெய்ன்(கேப்டன்), மார்க்வெஸ் அக்கர்மேன், ஆஷ்டன் டர்னர், கீகன் லயன் கேசெட், தாமஸ் ஸ்டீவர்ட் ரோஜர்ஸ், செனுரான் முத்துசாமி, மிகைல் பிரிட்டோரியஸ், கிடியோன் பீட்டர்ஸ்