இந்திய அணி இலங்கையில் சுற்றுப்பயணம் மேற்கொண்டு 3 டி20 மற்றும் 3 ஒருநாள் போட்டிகள் கொண்ட தொடரில் விளையாடிவருகிறது. இதில் இரு அணிகளுக்கும் இடையேயான டி20 தொடரானது தற்சமயம் நடைபெற்று வருகிறது. இதில் நடந்த முடிந்த முதலிரண்டு போட்டிகளிலும் இந்திய அணி வெற்றிபெற்றதுடன, 2-0 என்ற கணக்கில் தொடரையும் கைப்பற்றி அசத்தியுள்ளது. இந்நிலையில் இரு அணிகளுக்கும் இடையேயான மூன்றாவது மற்றும் கடைசி டி20 போட்டி இன்று (ஜூலை 30) நடைபெறுகிறது.

மழை காரணமாக தாமதமாக தொடங்கிய இப்போட்டியில் டாஸ் வென்றுள்ள இலங்கை அணியானது முதலில் பந்துவீசுவதாக அறிவித்துள்ளது. இன்றைய போட்டிக்கான இந்திய அணியில் அக்ஸர் படேல், ரிஷப் பந்த், அர்ஷ்தீப் சிங், ஹர்திக் பாண்டியா ஆகியோருக்கு ஓய்வளிக்கப்பட்டு ஷிவம் தூபே, வாஷிங்டன் சுந்தர், ஷுப்மன் கில், கலீல் அஹ்மத் ஆகியோருக்கு வாய்ப்பு வழங்கப்பட்டுள்ளது. இலங்கை அணியில் தசுன் ஷனகாவிற்கு பதிலாக விக்ரமசிங்கே அணியில் சேர்க்கப்பட்டுள்ளார். 

இதில் ஏற்கெனவே இலங்கை அணி தொடரை இழந்துள்ளதால், இப்போட்டியில் வெற்றிபெற்று ஆறுதலை தேடும் என எதிர்பார்க்கப்படுகிறது. அதேசமயம் இப்போட்டியிலும் வெற்றிபெற்று தொடரை முழுமையாக கைப்பற்றும் முனைப்பில் இந்திய அணி விளையாடும் என்பதால் நிச்சயம் இப்போட்டியில் விறுவிறுப்புக்கு பஞ்சமிருக்காது என எதிர்பார்க்கப்படுகிறது. 

இந்தியா: யஷஸ்வி ஜெய்ஸ்வால், ஷுப்மான் கில், சூர்யகுமார் யாதவ்(கே), சஞ்சு சாம்சன், ஷிவம் தூபே, ரியான் பராக், ரிங்கு சிங், வாஷிங்டன் சுந்தர், ரவி பிஷ்னோய், முகமது சிராஜ், கலீல் அகமது

இலங்கை : பதும் நிஷங்க, குசல் மெண்டிஸ், குசல் பெரேரா, கமிந்து மெண்டிஸ், சரித் அசலங்கா(கே), சமிந்து விக்கிரமசிங்க, வனிந்து ஹசரங்க, ரமேஷ் மெண்டிஸ், மஹீஷ் தீக்ஷனா, மதீஷா பத்திரனா, அசித்த ஃபெர்னாண்டோ.