நியூசிலாந்து அணி சமீபத்தில் இலங்கையில் சுற்றுப்பயணம் செய்து இரண்டு போட்டிகள் கொண்ட டெஸ்ட் தொடரில் விளையாடியது. இத்தொடரின் முடிவில் இலங்கை அணி இரண்டு போட்டிகளிலும் வெற்றிபெற்று 2-0 என்ற கணக்கில் தொடரை கைப்பற்றியதுடன், நியூசிலாந்தையும் ஒயிட்வாஷ் செய்து சாதனைப்படைத்திருந்தது. 

இந்நிலையில் நியூசிலாந்து அணி மீண்டும் இலங்கையில் சுற்றுப்பயணம் செய்து 2 போட்டிகள் கொண்ட டி20 தொடரிலும், 3 போட்டிகளை கொண்ட ஒருநாள் தொடரிலும் விளையாடவுள்ளது. அதன்படி இலங்கை - நியூசிலாந்து அணிகளுக்கு இடையேயான முதல் டி20 போட்டி இன்று தாம்புளாவில் உள்ள ரங்கிரி தம்புளா கிரிக்கெட் மைதானத்தில் நடைபெறுகிறது. இதில் டாஸ் வென்ற நியூசிலாந்து அணி முதலில் பேட்டிங் செய்வதாக அறிவித்தது.  

ஏற்கெனவே டெஸ்ட் தொடரை இழந்துள்ள நியூசிலாந்து அணி இந்த தொடர்களில் அதற்கான பதிலடியைக் கொடுக்கும் என ரசிகர்கள் காத்துள்ளனர். அதேசமயம் இலங்கை அணியோ சர்வதேச கிரிக்கெட்டில் தங்களது ஆதிக்கத்தைத் தொடரும் முயற்சியில் இத்தொடரை எதிர்கொள்வதால் ரசிர்களின் எதிர்பார்ப்புகள் அதிகரித்துள்ளன.  இதனால் இப்போட்டியில் எந்த அணி வெற்றிபெறும் என ரசிகர்கள் ஆவலுடன் காத்திருக்கின்றனர்.

நியூசிலாந்து பிளேயிங் லெவன்: டிம் ராபின்சன், வில் யங், மார்க் சாப்மேன், கிளென் பிலிப்ஸ், மைக்கேல் பிரேஸ்வெல், மிட்ச் ஹே, ஜோஷ் கிளார்க்சன், மிட்செல் சான்ட்னர் (கே), இஷ் சோதி, ஜகாரி ஃபௌல்க்ஸ், ஜேக்கப் டஃபி

இலங்கை பிளேயிங் லெவன்: பதும் நிஷங்கா, குசல் மெண்டிஸ், குசல் பெரேரா, கமிந்து மெண்டிஸ், சரித் அசலங்கா(கே), பானுக ராஜபக்ச, வனிந்து ஹசரங்க, துனித் வெல்லாலகே, மஹீஷ் தீக்ஷனா, மதீஷா பதிரனா, நுவன் துஷார